Likunula 16:9 - KITABU KITAKATIFU

⁹ Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

Likunula 16:9 Iomraidhean Croise

2 Avami 6:33

Yaali nakikiri kumala livoora yaga lwu mwami yaduuka navoora, “Ni Yahova umali kokora vudinyu yivu vwosi vuuzi ku kunyi! Kigira ki ni ndiliri kuduuka lwa Yahova akola kindu kokokonya?”

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

Isaya 1:5

Kigira ki muzizagiliraa kwibaala? Mwenya muhevwe mageri kali kuvita. Avandu va Isiraeli mitwi jinyu josi jizuyi zing'oma, kandi mioyo jinyu niziganagani zienyu zilwaaye.

Isaya 8:21

Avandu valagendagenda mu kivala, mu linyang'ana kandi ninzara. Mu inzara nu vutima vwavo, valalaama avami vaavo kandi Nyasaye wavo. Vanyara kohenza igulu mwigulu

Jeremia 13:6

Lwinyima Yahova yambolera nzirane kumugera gwa Efurate na mbuguli.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Luka 13:3

Muvooleraa sigaveeye ndio mba; navuzwa munyi nimutiganira mulakuza mwosi kuli ndio kandi.

Luka 13:5

Muvooleraa, sigali ndio mba; navuzwa munyi nimutiganira, mulakuza kuli ndio kandi!”

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 16:21

Imbura ya amagina enene yakuba; vuli ligina liali nu uvulitu vwi zikilo 50 gagwira vandu kutura mwigulu, vaanyega Nyasaye, kigira amaduywa gi imbura ya amagina yeyo liduywa lie imbura ya amagina yilio liali lidamanu ni liu kutihiza ligali.

Likunula 2:21

Mali kumuha vwiyangu aduuki kwiganira ovoheyi vwivwe, naye siyenya kwiganira no koleka ovoheyi mba.

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.