Likunula 16:14 - KITABU KITAKATIFU

¹⁴ Kigira jiveeye roho ja mademoni, ijikolaa vilolekizu. Roho midamanu jivaga yigi jizizaa ku avami vosi vu mu lirova liosi, kuvavuganyia harara kigira uvulwani vwi Lidiku lie Likalaga lia Nyasaye Wuvunyali.

Likunula 16:14 Iomraidhean Croise

1 Avami 22:6

Kunangwa mwami Ahabu wa Isiraeli yalanga vaporofeti vosi harara, himbi vasaza zimia zine, navateeva, “Nyara kuzia kulwaana Ramozi mu Gileadi, anoho ndeke?” Avaporofeti zana vamuvolera; “Zia ulingiliri. Yahova alakuha liguuta.”

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Matayo 24:14

Ekeheri ni kikiri kuduuka, Ivangeri yu Vwami vwa Nyasaye iliilwazwa mu lirova liosi eve ekelolero ku zihiiri ziosi, maku keheri kilakaduuki.

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Marko 13:22

Kigira avamesia na vaporofeti vovovehi valatura nokokola ivilolekizu harara na agokogenyia, vaduuki kogotiza avatovole va Nyasaye, niiva ganyalika.

Luka 2:1

Mumadiku yago lilago liatura ku Kaisaria Agosto ndi avandu vosi vang'odwi amita mu kivala choosi chamiifa na Varumi.

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Varumi 1:8

Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

2 Vatesalonike 2:9

Muchamu uyu alaza ni zinguru ziosi zia Setani kandi alakola zing'ano ziosi zie vilolekizu kandi viokogenyia, viu vugadi.

Yakobo 3:15

Ovogeri kuli yivu si vuturaa mwigulu mba. Voveeye vwu mu lirova, uvutaveeye vwa Roho, kandi vwamademoni.

Joshua 11:5

Avami yava vosi vahambanyia amahi gaavo harara kandi valomba ahokososa haavo ha Mazi ga Meromu kulwaana avandu va Isiraeli.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:3

Mulala ku mitwi jiking'ang'a yicho gwaali ku nimbala iyaali yi ingwagu inyala kuva indamanu ligali, navuzwa ingwagu zana yaali ni yahona. Avandu vosi vu mu lirova vagenya ligali kigira king'ang'a yicho kandi nivakelonda.

Likunula 16:16

Kandi imioyo midamanu jaleeta avami vanene harara ahalangwa mu Luheburaina Arimagedoni.

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 20:8

alatula ichova kugaada zihiiri ziosi iziasalana mu lirova liosi, avamanyikani kuli Goga na Magogi. Setani alavavungiza harara mu liihi, navo valava avanyingi kuli umuyeke ku lujinga lwinyanza.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.

Likunula 6:17

Lidiku linene liu uvutima vwavo liduuki, nivwaha unyala kusingira imbiri wuvutima yivu?”