Likunula 15:7 - KITABU KITAKATIFU

⁷ Kilala ku vilombe iviveeye mwoyo vinene, chaahaana zibakuli saba ku zingelosi yavo zie izahabu ni vizuyi uvutima vwa Nyasaye oveeye mwoyo mihiga ni mihiga.

Likunula 15:7 Iomraidhean Croise

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 10:6

Yisuha ku Nyasaye oveeye mwoyo mihiga ni mihiga, uwalomba ligulu ni lirova ninyanza ni vindu viosi viveeye mu. Engelosi oyo yavoola, “Lilindagira sililava ho kandi mba!

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 15:1

Ndaalora kandi kelolekizu kindi mwigulu ekenene chukuhuga kandi chokogenyia. Ziali ho ni zingelosi saba avaari nuvulwaye saba vudamanu vwu kumaliriza. Kuvitira muvwo vutima vwa Nyasaye vumali kohera.

Likunula 16:2

Maku Engelosi wukutanga yazia nisundula ichaali mu bakuli yacho ku lirova. Zingwagu zindamanu ligali kandi zinduru zialoleka ku yavo avaari nu muhuri gwi king'ang'a harara na yavo avaari nivasigamiyi ikifananyi chacho.

Likunula 17:1

Mulala ku zingelosi saba avaari ni zibakuli saba yaza, ku inzi navoora, “Hamba yinu, ngumanyie likalagirwa liu mukali wa malaya munene, lidaala iliumbakwa ahimbi ni imigera minyingi.

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”

Likunula 4:10

Avakulundu sirini na ine yavo avagwizaa mamumama imbiri wa uyu wikala kondeve yu uvwami, kandi vasigamira uyu oveeye mwoyo mihiga ni mihiga. Vaviika izitaji ziavo hasi imbiri wendeve yu uvwami, ni vavoola,

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.