Likunula 15:4 - KITABU KITAKATIFU

⁴ Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 15:4 Iomraidhean Croise

Zaburi 105:7

Yahova aveeye Nyasaye wiitu; amalago geege gaveeye ni zinguru ku lirova liosi.

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 22:23

“Mwizominye Yahova, munyi avatumikiri veve! Mumuhe luyali, munyi visukululwi via Yakobo! Mumusigamiri, munyi avandu va Isiraeli!

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 22:3

Navuzwa ivi Nyasaye oveeye mutakatifu, wamihaa kutura ku endeve yooyo yu vwami, na ivi niyie wa avandu va Isiraeli viizominyanga.

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 97:8

O, Yahova, avandu va Jerusalemi vaveeye nuvusangali, kandi avandu va madaala manene gi Ivuyuda vasangala kigira likalaga liilio.

Zaburi 99:5

Mwizominye Yahova, Nyasaye wiitu. Musigamiri imbiri wendeve yeeye yu vwami! Aveeye mutakatifu!

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Isaya 24:15

kunangwa, yavo avaveeye ivugwi valahaana uvukumi ku Yahova. Avandu vamenya himbi ninyanza, valizominya Yahova Nyasaye wa Isiraeli.

Isaya 25:3

Avandu vi zihiiri zie zinguru valakakwizominyi. Madaala manene gi zihiiri zinduru galakakutie.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Isaya 45:23

Lisuuvirizwa liange liveeye lia agaligali, kandi silinyala kugirung'anywa mba. Inzi mali kumusuuviriza ndi, vuli mundu woosi alaza nu kusigama imbiri wange, kandi valisuuha kuva avasuuvirifu imbiri wange.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Isaya 60:5

Maku mulalora yaga kandi mioyo jinyu jilava nu vusangali ligali. Mudegera muligosa miandu ji zihiiri jilaletwa ku munyi; uvutugi vwavo vulaza kutura engeleka wi inyanza.

Jeremia 10:7

Nivwaha uvura kuha ivi luyali, umwami wizihiiri ziosi? Gaduukanaa oheevwe luyali. Siaveeyeho nu mulala kuli ivi kutura mu vandu vosi vovogeri vizihiiri anoho kutura mu avami vaavo mba.

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 5:22

Inzi mbeeye Yahova; kigira ki simunyala kundia? Kigira ki si munyala kodegera imbiri wange mba? Ndaviika muyeke kuva kuli lwako lwi inyanza, love ludinyu ligali kali mazi gavuli kuvita. Kali viguvuli nivihinulanyia, amazi siganyala kuvita mba; kali inyanza nihuuma, navuzwa amazi si ganyala kuvunaga lwako yilu mba.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Habakuk 1:12

Yahova, ivi oveeye Nyasaye kutura mu litanga. Oveeye Nyasaye wange mutakatifu kandi wi mihiga ni mihiga. Oveeye Yahova Nyasaye wange kandi mukingi wange; ivi umali kotovola vandu va Babiloni kandi uvaheeye zinguru vaduuki kuhaana mageri ku kunye.

Zekaria 14:16

Maku vosi avalihononoka kutura mu zihiiri zilikave ni zingiliye Jerusalemi, valakazie wene yeyo vuli muhiga kusigamira Yahova Wuvunyali kuli mwami. Valakave ni lisavo lia madiri.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Varumi 15:9

Avandu vizihiiri navo vaduuki kukuminya Nyasaye ku zimbavasi zizie, kuli Mang'oda Matakatifu gavoora, “ Ndakwizominya hagati ha vandu vizihiiri. Kandi ndakwimbira zinyimbu ziu kukwizominya.”

1 Petro 1:16

Mang'oda matakatifu gavoora, “Muve avatakatifu kigira inzi mbeeye mutakatifu.”

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 16:5

Ndaahulira kandi engelosi umulindi wa amazi navoora, “Likalaga lia umali kuhaana liveeye lirungi. Ivi oveeyeho, kandi wa liho, ivi mutakatifu.

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.