Likunula 15:3 - KITABU KITAKATIFU

³ Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 15:3 Iomraidhean Croise

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

1 Kyetsinyinga 6:49

Haruni harara ni visukululwi vievie vahaana vihaanwa vie kimuli kandi ni vahaana visiuviliru iviasambirwa ku vwali. Vaali ni miyinzi ju kusingilira ahukusigamira hoosi, Havundu Hatakatifu ligali kandi kusingilira ivisiuviliru via Nyasaye yasamihiraa ku uvwoni vwa Visiraeli. Vaakora yaga goosi kolondekana na malago gahaanwa na Musa, mutumikiri wa Nyasaye.

2 Kyetsinyinga 24:6

Kunangwa, mwami Joashi yalanga Jehoyada mwimiliri wavo namuteeva, “Kigira ki siwenya vandu va Levi vasolole uvusutu vwa Musa mutumikiri wa Yahova yalaga kutura ku vandu vi Ivuyuda na Jerusalemi kokonyelera uvulindi vwi lihema lia Yahova?”

Nehemia 9:14

Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Ayubu 36:24

Yizominyangwa kazozo ku miyinzi jakola. Ivi kandi kuduuka umwizominye.

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Zaburi 100:5

Yahova Nyasaye aveeye mulahi; uvuyanzi vwivwe voveeye vwi mihiga ni mihiga, Kandi uvusuuvirifu vwivwe vuhindiraa mihiga ni mihiga.

Zaburi 105:5

Mwizurizi vikolwa viokogenyia viamali kokora; mwizurizi vilolekizu vivie kandi likalaga lia yakalaga,

Zaburi 111:2

Vikolwa via Yahova viveeye vinene ligali! Yavo vosi avayaanzizangwa navio venya kuvimanyiriza.

Zaburi 111:7

Aveeye musuuvirifu kandi wilikalaga lirungi mu viosi viakolaa; Malago geege goosi gaveeye gukusuuvirwa.

Zaburi 139:14

Nzizominyaa ivi kigira wanomba wokogenyia kandi wukuhuga. Miyinzi jijo jiveeye jokogenyia; ivi umanya inzi vulahi ligali.

Zaburi 145:17

Yahova aveeye mulungi mu zinzira zizie ziosi, kandi aveeye wi livererera mu viosi via okolaa.

Zaburi 145:6

Avandu valamoloma ku vikolwa vivio viezingulu kandi inzi ndalandiza ovonene vuvwo

Zaburi 18:30

Vikolwa via Nyasaye viveeye vidukiru, kandi amakuva geege gaveeye agiligali. Aveeye kuli inguva ku vosi avenyaa mu likingwa lilie.

Zaburi 78:12

Nyasaye yakola vilolekizu viokogenyia imbiri wa vaguuga vaavo mu kereremo cha Zoani mu kivala cha Egebeti.

Zaburi 92:5

O, Yahova, vikolwa vivio viveeye vinene ligali! Zing'anagani zizio ziveeye ziu musi ligali!

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Isaya 33:22

Kigira Yahova aveeye mukalagi wiitu; alakakohonyie.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Danyeli 6:20

Lwa yaduuka ho, yalanga nu vuti, “Danieli, muyinziri wa Nyasaye oveeye mwoyo! Nyasaye woovo wa usaala mu giligali aveeye nu vunyali kokosola kutura mu zisimba?”

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Mika 7:20

Ivi ulamanyia uvusuuvirifu kandi uvuyanzi vuvwo uvutaveeye nekeheri ku avandu vovo, ivisukulurwi via Aburahamu na Yakobo, kuli wasuuviriza avaguuga viitu zing'inga zia kale.

Zefania 3:5

Navuzwa Yahova akikiri mu lidaala yili, akolaa agaveeye amalungi, siakolaa madamanu mba. Aletaa vulungi ku vandu veve vuli mugamba vugira kolekera. Navuzwa vandu vadamanu vameeda kokora vudamanu ligali, sivaveeye ni zisoni mba.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Kwidzulitsa 31:30

Maku Musa yimba ulwimbu yilu lwosi, avandu vosi va Isiraeli nivahulirizaa.

Kwidzulitsa 32:3

Ndizominya lieta lia Yahova kandi avandu veve valivoola ago ovonene vwivwe.

Kwidzulitsa 34:5

Kunangwa Musa, mutumikiri wa Yahova, yakuzira yo mu kivala cha Moabu, kuli Yahova yaali navooye, galava.

Vahebraina 3:5

Musa yaali mutumikiri musuuvirifu ligali munyumba yoosi ya Nyasaye, kandi yamoloma vindu via Nyasaye yazizaa kovora mu zing'inga ziza.

Joshua 22:5

Mulole ndi mulonde lilaga lia Musa mutumikiri wa Yahova, yamulaga mukore: Muyanze Yahova Nyasaye winyu, mukore uvulariri vwivwe, muhuliri malago geege, muve avasuuvirifu kuye, kandi mumutumikiri nimioyo jinyu josi kandi na roho jinyu josi.”

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 11:17

nivavoora: “Kusandizaa ivi O, Mwami Nyasaye Wuvunyali, oveeye ho na uwaali ho! Kukusandiza kigira uvuguyi izingulu zizio zinene ma wamihi!

Likunula 14:3

Vimba ulwimbu luhia imbiri wendeve yu uvwami, kandi imbiri wi vilombe viveeye mwoyo vine kandi imbiri wa vakulundu. Siyaali ho nu mundu uwaali anyala kwiga ulwimbu zana yilwo nivataveeye vuzwa avandu vaali 144,000 yavo avahonywa mu lirova na Nyasaye vave avandu veve.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”