Likunula 14:7 - KITABU KITAKATIFU

⁷ Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 14:7 Iomraidhean Croise

Litanga 22:12

Yavoola, “Utasaliriza muyaayi anoho kokora kindu kuye mba. Kalunu inzi manya ndi ivi ohezaa Nyasaye luyali kandi utizaa Nyasaye, kigira umali kumanyia ndi uvugilira kuhaana muyaayi woovo wengine kuli kisiuviriru kuye.”

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Zaburi 115:15

Yahova walomba ligulu nilirova, amugasize ligali.

Zaburi 124:8

Ovokonyi vwitu vuturaa ku Yahova, uwalomba ligulu ni lirova.

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 36:1

Avoni vaganagana uvudamanu musi mwi mioyo jaavo kazozo; vumulombaa avuli kuva ni liegehiza imbiri wa Nyasaye.

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 95:5

Yamiha ku zinyanza zia yalomba; yamiha ku livoora kandi lia oyo mwene yaalonga.

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Isaya 40:3

Mwoyo gwu mundu guhanzukaa mwigendanyama nigovoora, “Mulombe inzira ya Yahova mwigendanyama! Mulungikizi inzira ya Nyasaye mu changarangwi!

Isaya 40:6

Mwoyo gwu mundu guhanzukaa nigovoora, “Ulandizi Likuva!” Ndateeva, “Likuva ki lianandiza?” “Ulandizi ndi avandu vosi mukivala vaveeye kuli uvunyasi; kandi vaveeye kuli vimuli viamaua gu muvulimu.

Isaya 40:9

O, Munyi avandu va Jerusalemi, mwanigiri kuzia ku kiguru kitambi na mulandizi Likuva lilahi! Munyi avandu va Ziyoni, mulandizi nu mwoyo munene likuva lilahi! Mulandizi na mutatia mba, muvoolere avandu va madara gi Ivuyuda ndi, “Nyasaye wavo yaazaa.”

Isaya 42:12

Avandu vosi avamenyi mu visulu vimbi lwimbu lwu kwizominya kandi kuhaana uvukumi ku Yahova!

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 10:10

Navuzwa ivi, Yahova, oveeye Nyasaye wagiligali, oveeye Nyasaye oveeye mwoyo kandi umwami uhindiraa mihiga ni mihiga. Lirova lidegera lwa oveeye nu vutima; izihiiri sizinyala kwikuzira ku vutima vuvwo mba.

Ezekieli 7:2

Yavoola, “Mwana wu Mundu,” yaga nigo aga inzi Yahova Wuvunyali mbolera vandu va Isiraeli: Yili nilimalilika lie kivala choosi!

Ezekieli 7:6

Keheri kiduuki! Keheri kimali kuduuka ku munyi. Munyi mumali kudiva!

Danyeli 8:19

Yambolera, “Ndakuvuulira mativuli gu vutima vwa Nyasaye kuli vulakave. Malola yaga gamanyiaa ing'inga ye keheri.

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Malaki 2:2

Gamudukira muhaane luyali ku Inzi ku gamukolaa. Niiva si mulahulira gambolaa, maku ndakaleete kilaamo ku munyi. Ndakaviiki kilaamo ku vindu viovokonyi via munyoora, kalindio, inzi mali kuviika kilaamo ku munyi kigira simuvugulaa malago gange ni zinguru mba.

Matayo 25:13

Kunangwa Yeso yamaliriza navoora, “Mugerihi, mulindi, kigira si mumanyi lidiku anoho ing'inga mba.”

Luka 17:18

Kigira ki mugeni uyu yeng'ine niye wirani kuhaana lisandiza ku Nyasaye?”

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Joshua 7:19

Joshua yamuvolera, “Mwana wange, mbolera agiligali, hano imbiri wa Yahova, Nyasaye wa Isiraeli, kandi wiganiri. Mbolera kalunu icha umali kokora. Utageriza kukivisa kutura ku inzi mba.”

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:18

Avandu vi zihiiri vaali nu uvutima, kigira ing'inga yu uvutima vuvwo iduuki, ing'inga ya avakuzu vakalagirwa imali kuduuka. Ing'inga iduuki yu kuhaana madanyi ku avatumikiri vovo, avaporofeti, kandi avandu avoovo vosi, yavo vosi avakoheezaa uluyali, avanene na vakekeeke vosi harara. Ing'inga iduuki yu kudiviza yavo avononyia lirova!”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 16:9

Avandu vasaambwa ligali nu kuhaka. Vaanyega lieta lia Nyasaye oveeye ni izingulu ku amaduywa yaga. Navuzwa vasuura kwiganira no koleka vwoni vwavo, nu kuha Nyasaye ilizominywa.

Likunula 18:10

Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”

Likunula 18:17

Mu isa ndala amali kogotiza vutugi vwosi. Avanene vosi vizimeri na aveelemaa mu meri vosi na vosi avanyoora limenya liavo kutura mu likiranyia munyanza, vasingira ihale.”

Likunula 18:19

Viyuhira uluguchi ku imitwi jaavo, ni vaahanzuka, nivalira nu kusioma, nivavoora, “O, Vayaayi! Vayaayi! Kivi keveeye ku lidaala linene! Liveeye lidaala linene lia vosi avaveeye ni izimeri ku zinyanza vanyoola vutugi kigira uvuhinda vwalio. Kandi mu isa ndala vuzwa limali kogotiza ivindu viosi.”

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.

Likunula 8:10

Engelosi wa kavaga ya kuba kisiriva, eng'ereng'ani enene ligali yaaguluka kutura mwigulu, niyaaka kuli ulumuli lonene. Yagwa ku kidieli kilala ku vivaga vie migera nu ku visinukiru via amazi.

1 Samweli 6:5

Kuduuka mulombe vifananyi via miihi ginyu kandi vivundu viononyiaa kivala chienyu, kandi kuduuka muhaane luyali ku Nyasaye wa Isiraeli. Hawundi alalekera kuha munyi amageri, avanyasaye vinyu ni kivala chiinyu.