Likunula 14:4 - KITABU KITAKATIFU

⁴ Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Likunula 14:4 Iomraidhean Croise

Zaburi 45:14

Ni yiviiki inguvu yeeye yuvubalabale, yimilirangwa kuzia ku mwami, nahelekwa na vakana vache vagima; navo kandi valetwa ku mwami.

Zaburi 74:2

Wizulizi avandu vovo va watovola kutura kale ava ivi watuliza mu vuhambe, kuva mwangu gugwo! Wizulizi kiguru cha Ziyoni aha wamenyaa.

Lwimbu lwa Solomoni 1:3

Wivaki maguta gu muhomo; lieta liilio liveeye kuli amaguta gidorokaa, kunangwa avakali vakuyaanzaa.

Lwimbu lwa Solomoni 6:8

Leka mwami ave na vakali vuluyali 60, na vakali vaviika 80, vakali vasoleri vataveeye ni livaliza!

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Amosi 6:1

Oh, vayaayi, kivi keveeye ku yavo averemerizaa mu jerusalemi kandi ku munyi avalolaa muveeye ni mirembe ku kiguru cha Samaria, munyi avasaza vanene ava ihiiri enene yiyi, Isiraeli, munyi ava avandu vazizaa kuvo ukwenya ovokonyi!

Matayo 19:12

Kigira viveeye ho ivivuni lugano lugano viokolomba umundu avuli koleta umukali. Avalala vaveeye iviziri kigira viivulwa ndio. Avandi vaveeye iviziri kigira vakolwa kuva ndio na vandu; avandi vekola iviziri aveene kigira Uvwami vwu mwigulu. Leki oveeye ni zinguru kuvugilira amigizu yaga agavugiliri.”

Matayo 25:1

“Ku ing'inga yeyo Uvwami vwu mwigulu vulakave kuli vakana avagima likomi avaavugura zitaya ziavo nivazia kwaganira oyo osereraa umwiha.

Matayo 8:19

Mulala ku avigizi vi Lilaga yaza kuye, namuvolera, “Mwigizi, inzi ndakolonda hoosi aha uva nuzia.”

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 13:37

Petero yamuvolera, “Mwami, kigira ki sinyala kokolonda kalunu? Inzi nzetegeki kukuza naivi!”

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

1 Vakorintho 16:15

Kalunu, avaamitu vange, mumanyi vulahi ndi vandu vinyumba ya Sitefano vaali avandu vukutanga ligali konyoora lisuuvira lie Kikristayo mu Akaya, na vayituliza kutumikira vandu va Nyasaye.

1 Vakorintho 6:20

Yaagula ivi nu vuguli vonene. Kulwayago, mutumikiri miviri jinyu kulwu vukumi vwa Nyasaye.

1 Vakorintho 7:28

Niiva ulaleeta mukali si ulava nokoli vwoni mba. Na niiva umukana mugima azia lukali, sialava naakori vwoni mba. Navuzwa yavo avaleetanaa vanyoola vudinyu vunyingi mu liiva lia kalunu, ninzi nyenya kumuhonyia mu gene yaga.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Vafeso 1:14

Roho Mutakatifu aveeye kihambiliru cho konyoora miandu jietu josi ja Nyasaye yalaga avandu veve kandi kuvasuuviriza ndi Nyasaye alakahaane ovovoholore vwosi ku vandu vosi avaveeye aveeve. Gendi kwizominyi vukumi vwivwe!

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

Likunula 3:4

Navuzwa oveeye na amita ga avandu vakekeeke mu Saride, avavura kokora vwoni. Mulakagende harara ninzi ni mwiviki izinguvu izindavu, kigira muduukani.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.