Likunula 14:20 - KITABU KITAKATIFU

²⁰ Mizabibu jakamulirwa mu kiminiru keveeye ichova wi lidaala linene. Amasahi gasunduka kutura mu kiminiru kuli umugera gwizuuyi nigusurunguta kuduuka uvutambi zikilomita zimia zivaga, nuvutambi vwu kuzia musi vwali ahimbi zimita ziviri.

Likunula 14:20 Iomraidhean Croise

Litanga 49:11

Alavoha ibunda yeeye ku muzabibu. Kandi alavoha mwana wi ibunda yeeye ku muzabibu mutovole. Alafuuya zinguvu zizie mu iwaini, kandi alafuuya ziganza zizie mu masahi go muzabibu.

Isaya 66:24

“Avandu vosi valazia nokohenza ku miviri jakuza jayavo avamala kwibaala ku inzi. Zing'ende zililia miviri jaavo na si zilakuza mba, kandi muliru guvasamba si gulasiminywa mba, kandi valava chu kuvihiliriza ku vandu vosi.”

Lisyoma lya Jeremia 1:15

“Yahova yalegeriza avasikari viitu vizingulu hagati hiitu; yatuma iliihi kudiviza avasoleri viitu; yaaduvagila hasi avandu viitu ve Ivuyuda kuli vamiina iwaini kutura mu mazabibu.

Ezekieli 32:6

Ndakasunduli masahi googo mu kivala kali kuduuka ku vigulu viosi, kandi ndakizulizi malina goosi ni zinyama ziu muviri gugwo.

Joeli 3:13

Ziveeye ziu vuchamu ligali, ndazitemagira hasi kuli vuswage mu ing'inga yiligesa; ndazishonolanyia kuli mizabibu jishonolanywa mulimiina lie iwaini yizuuye duu.”

Kwidzulitsa 32:14

Yavaha isiagi, maguta namaveere kutura ku mitugu jaavo; zing'ombe ni zimburi ziavo ziahaana maveere manyingi. Vaali na magondi mamigu zimburi, nizing'ombe zindahi ligali kandi, viayo vie mitugu ja Bashani. Ingano indahi ligali kandi vanwa iwaini imbia.

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.