Likunula 14:10 - KITABU KITAKATIFU

¹⁰ Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 14:10 Iomraidhean Croise

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Ayubu 18:15

Kalunu mundu woosi anyala komenya munyumba yeeye, inyima wi zinyasi ziuhiywi mu kugekola eve inahi.

Ayubu 21:20

Leki avoni vanyoore amageri gaavo aveene. Leki vahevwe uvutima vonene vwa Nyasaye Wuvunyali.

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Zaburi 37:34

Musuuviri Yahova kandi muhuliri amalago geege; na ndio alamuha luyali nu kumuha miandu ji kivala, navuzwa avandu vadamanu valatulizwa mu kivala cha avasuuvirifu.

Zaburi 52:6

Avandu valungi valalora inguuva yiyi; na valava nu vuti ligali, maku valakosekeriza ni vavoola,

Zaburi 60:3

Ivi umali kokora avandu vovo kusalira vululu ligali. Kuguyaguyaa vuzwa yiyi ni yiyi kuli avandu vahambiki iwaini.

Zaburi 73:10

Ku lwa yago, avandu va Nyasaye vazizaa kuvo nu kuvizominya, kandi vasuuvira mu goosi gavavoraa.

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Zaburi 91:8

Ivi ulahenza vuzwa nokolola, kuli avachamu vahevwa mageri.

Isaya 29:9

Muzizagiliri kuva avasilu! Muzizagiliri kuva avavoku! Muhambiki vugira kunwa iwaini! Mwagenda muyekayeka vugira kunwa engelageriza yiwaini!

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Isaya 34:9

Migera ja Edomu jiragirung'anywa kuva ilamu na amalova galagirung'anywa kuva kibiriti. Kivala choosi kilasambwa kuli ilamu.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Jeremia 25:27

Maku, Yahova yambolera, “Ovoolere avandu ndi, Inzi Yahova Wuvunyali, Nyasaye wa avandu va Isiraeli, mbalagaa vanwi iwaini yiyi kuduuka lwa vahambika kandi valuki, valagwa hasi kandi si valavuka mba, kigira iliihi lia ndetaanga hagati haavo.

Jeremia 49:12

“Kali niiva yavo avataduukanaa vahevwe mageri, muganaganaa mulavula kohevwa mageri? Awa munyi kuduuka munyore mageri malala mere!

Jeremia 51:57

Ndakora avanene vaavo kandi avasaza vovogeri, avamihi vaavo kandi aviimiliri vaavo, na avasikari vaavo vahambiki. Valazia kogona na si valavuka kandi mba. Inzi, mwami, Yahova Wuvunyali, mali kovora.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Ezekieli 20:48

Avandu vosi valakalore ndi Inzi Yahova mali kuhambiza muliru, na siaveeye ho mundu unyala kugusiminya mba.”

Ezekieli 38:22

Nambane kuye mageri gu vulwaye ni likuza. Imbura yi migelera kandi ya magina harara nu muliru gwi kibiriti nikubi kuye harara ni liihi lilie kandi zihiiri zinyingi iziveeye kolovega lwilwe.

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Matayo 20:22

Yeso yativulira avayaayi zana, “Mumanyi cha muteeva mba. Munyi munyala kunwa ekekombe chu vusaliri icha mbeeye ahimbi kunwa?” Navo vamutivulira, “Kunyala.”

Matayo 25:41

“Alakavoolere avaveeye ku mukono gwigwe mumosi, ‘Tuli ku hizi munyi avalaamwa na Nyasaye! Muzie mu muliru gwi mihiga ni mihiga ugwalomberwa Setani harara ni zingelosi veve!

Matayo 26:39

Yisunda hambiri hakekeke, naagwa hasi mam'mama nasaara navoora, “Baba wange, ni ganyalika, tuliza ekekombe chu vusaliri yiki ku inzi! Navuzwa gatava aguvulaliri vwange, nitali gave kuli ivi wenyaa.”

Marko 8:38

Niiva umundu woosi alava esoni kigira inzi na amigizu gange mu likula litaveeye na Nyasaye yiyi, kandi lichamu maku Mwana wa Adamu alakave zisoni naye lwaliiza. Zingelosi mu vukumi vwa Baba weve harara ni vatakatifu veve.”

Marko 9:44

Umwene yimwo izing'ende ziliizaa avandu sizikuzaa mba; kandi muliru gusimaa mba.]

Vikolwa 10:22

Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.”

Kwidzulitsa 29:23

Milimi jilava miere jokogotiza, ijafuumwa niligoke kandi jumbi. Kindu sikilatagwa anoho kwama mu mba kandi kali indiva silamera mumba. Kivala chienyu kilava kuli Sodoma na Gomora, cha Adima na Zeboiimu, icha Yahova yadiviza lwa yaali nu vutima vululu.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 15:7

Kilala ku vilombe iviveeye mwoyo vinene, chaahaana zibakuli saba ku zingelosi yavo zie izahabu ni vizuyi uvutima vwa Nyasaye oveeye mwoyo mihiga ni mihiga.

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”