Likunula 13:6 - KITABU KITAKATIFU

⁶ Chatanga konyega Nyasaye, lieta lilie, havundu ha amenyi kandi yavo avamenyaa mwigulu.

Likunula 13:6 Iomraidhean Croise

Ayubu 3:1

Inyima wayaga, Ayubu yaatanga limoloma nalaama lidiku lilie lia yiivulwa.

Zaburi 73:9

Vamoloma amakuva gu vudamanu ku Nyasaye wu mwigulu, kandi vahaana amalago gu kwigingira ku avandu vu mulirova.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 7:8

Lwa ndaali ningiheenza ku zinziga, ndaalora lwiga lundi lukekeeke lumeraa hagati mu zindi. Lwatandulanyia zinziga zivaga ziali nizimali komera. Lwiga yilu lwali ni zimoni kuli ziu mundu na munwa gwamolomaa nu vwelori.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Varumi 3:13

Amakuva gaavo gaizula uvugadi vwitaa ovovehi vuturaa vuzwa mu minwa jaavo, iminwa jaavo jivoolaa makuva gu kwita kuli vusungu vwenzoka.

Vakolosai 1:19

Gaali ku litovola lia Nyasaye ndi, mwana weve mwene ave ni liiva liu vuduukiru vwosi lia Nyasaye.

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Vahebraina 9:2

Lihema liumbakwa liali niving'oze viviri. Mu keng'oze chukutanga chaali na havundu ichova chalangwa Havundu Hatakatifu. Mu keng'oze yicho, mwaali mu ni kinaara kandi emesa numugadi Mutakatifu.

Vahebraina 9:24

Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.

Likunula 11:12

Kunangwa avaporofeti vaviri yavo vahulira mwoyo munene kutura mwigulu nigovavoolera, “Hambi igulu yinu.” Navo vanigira mwigulu mu lilesi, avasigu vaavo nivavalolaa.

Likunula 12:12

Kunangwa musangare, munyi vilombe viosi vimenya mwigulu. O, vayaye, ikivi nu uvusaliri viveeye ku lirova nu kunyanza! Kigira, lidemoni umali kuuza ku munyi; aveeye nu uvutima vonene kigira umanyi aveeye ni ing'inga engekeeke vuzwa.”

Likunula 15:5

Inyima wi vindu yivi, ndaalora Litembeli liu mwigulu ni liguliywi, Lihema litakatifu liali mu.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 5:13

Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora: “Oyo uwikala kondeve yu vwami kandi ku Mwana wi Ligondi, luyali loveeye kuye, lizominywa, uvukumi ni zinguru, kuduuka mihiga ni mihiga!”

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.

Likunula 7:9

Inyima wi ivindu yivi, henza ndaalora kiduma ekenene chu umundu atanyala kuvaliza, nikitulaa ku zihiiri ziosi, nuku vandu vosi, nuku zinimi ziosi, nikisingi imbiri wendeve yu uvwami kandi imbiri wu Mwana wi Ligondi, niviviiki ziganza zindavu kandi avaari na amatu gamakindu mu amakono gaavo.