Likunula 13:16 - KITABU KITAKATIFU

¹⁶ King'ang'a zana chaaniga avandu vosi, avakeekeke na vanene, avatugi na vadaka, avatugwa na vavoholore, vahevwe chukumanyirwa ku mukono mulungi, anoho kuvweni vwavo.

Likunula 13:16 Iomraidhean Croise

2 Kyetsinyinga 15:13

Ku vosi, muyaayi anoho muhindira, musaza anoho mukali, uwavula kusigamira Yahova Nyasaye wa Isiraeli, yitwa.

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Zaburi 115:13

Yahova alagasiza sa mulala uhaanaa luyali kuye, avanene navakekeeke harara.

Zaburi 49:2

Muhulirizi mwosi, avanene ku avakeekeke keleng'ani, avatugi navadaka harara.

Kutwula 13:9

Yiki kilava kuli kelolero ku makono ginyu, kandi kuli lizuliza mu zimoni zienyu. Muzizagiliri kovora lilago lia Yahova, nukulisoma kigira umali kumutuliza mu Egebeti ni zinguru zizie zinene.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Zekaria 13:6

Maku niiva mundu alamuteeva, ‘Zimbala ziveeye ku muviri gugwo yizi zianyooleka ndi?’ Naye alativula, ‘Zimbala yizi ndaazinyoola mu nyumba yu mulina wange.’ ”

Vikolwa 26:22

Navuzwa ndanyoora vokonyi kutura ku Nyasaye kuduuka lidiku lia lero, ku lwa yago singiyi vudinyu kulolekizira vosi, avakeekeke na vanene. Icha inzi mboraa ni yicho kilala chere cha avaporofeti kandi Musa yavoola ndi kizizaa kwekoleka:

1 Vakorintho 12:13

Munzira ndala nzere, kunyi kwosi nikuva nikoveeye Avayuda anoho vandu vizihiiri, avatugwa anoho vavoholore, kwabatizwa na Roho mulala ma ni kuva muviri mulala kandi Nyasaye yahaana ku kunyi vosi Roho mulala mu mioyo jitu.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vagalatia 6:17

Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.

Vafeso 6:8

Mwizurizi ndi, Mwami alakahaane madanyi ku mundu woosi ave mutugwa anoho muvoholore.

Kwidzulitsa 11:18

“Mwizurizi amalago yaga na mugalindi vulahi. Mugavohe ku makono ginyu kandi ku vweni vwinyu gave chukwizulizira ku.

Kwidzulitsa 6:8

Mulagavoha gave kelolero ku makono ginyu kandi mulagavoha ku mitwi jinyu gave chu kwizulizira ku.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.

Likunula 11:18

Avandu vi zihiiri vaali nu uvutima, kigira ing'inga yu uvutima vuvwo iduuki, ing'inga ya avakuzu vakalagirwa imali kuduuka. Ing'inga iduuki yu kuhaana madanyi ku avatumikiri vovo, avaporofeti, kandi avandu avoovo vosi, yavo vosi avakoheezaa uluyali, avanene na vakekeeke vosi harara. Ing'inga iduuki yu kudiviza yavo avononyia lirova!”

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 19:18

Hambi mulie zinyama zie miviri ja avami, ni zia avanene va avasikari, zinyama zia avandu vizingulu, zie zibarasi, zia yavo aviikalaa kuzio, zia avandu vosi, avatugwa na vavoholore, kandi avakeekeke na vanene.”

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 19:5

Maku umwoyo gwatura mundeve yu vwami, nigovoora, “Mwizominye Nyasaye wiitu, munyi avatumikiri veve vosi, kandi munyi avandu vamutiizaa, mwombi avakeekeke na vanene.”

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Likunula 6:15

Maku avami vanene vi lirova, vimiliri vuvulwani avatugi, vizingulu na avatugwa vosi harara na vandu vosi avaveeye avavoholore, viivisa mu zimbangaywa nu mu magina gi vigulu.

Likunula 7:3

Engelosi yavoola, “Mutononyia lirova anoho inyanza, anoho imisaala, kuduuka kutange kuviika umuhuri mu uvweni vwa avatumikiri va Nyasaye wiitu.”