Likunula 13:15 - KITABU KITAKATIFU

¹⁵ Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Likunula 13:15 Iomraidhean Croise

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Zaburi 115:5

Vaveeye ni minwa navuzwa sivanyala komoloma mba; kandi vaveeye nizimoni navuzwa sivanyala kolola mba.

Jeremia 10:14

Mulilora yaga, avandu vafwana avasiru kandi vugira limanyiriza; yavo avalombanga ivifananyi vavikangwa muzisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Jeremia 10:5

Ivifananyi kuli yivi viveeye kuli ivifananyi viukutihiza mu mulimi gwi zindaange; sivinyala komoloma mba, kuduuka vigingwi kigira sivinyala kogenda mba. Mutavitia mba: Sivinyala kumusaliriza mba, kandi sivinyala kumukolera uvulahi mba.”

Jeremia 51:17

Muliiva kuli yili, avandu valoreka kuva avasiru kandi vugira limanyiriza; yavo avalomba vifananyi vaveeye mu zisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Habakuk 2:19

O, vayaayi, munyi mwalaamwa kigira, muvooleraa kifananyi kitamolomaa chalombwa ku lubaho ni ligina: “Vuka! Anoho singira!” Kifananyi kinyala kukuvulira kindu? Kinyala kuva chakunikwa ni ifeza, kandi zahabu, navuzwa sikeveeye ni livamwoyo mba.

Yakobo 2:26

Kunangwa, kuli umuviri vugira umwoyo gwakuzi, kandi ndio, lisuuvira vugira vikolwa liakuza.

Likunula 13:1

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 13:12

Chaatumikira uvunyali vwosi kutura ku king'ang'a chukutanga ichaali nikeveeye ho. Chaaniga lirova liosi na yavo vosi avaamenyaa mu vasigamiri king'ang'a chukutanga ichaali nimbara yingwaagu yahona.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”

Likunula 14:9

Engelosi yindi ya kavaga yavalonda ziu kutanga ziviri navoora nu mwoyo munene, “Umundu woosi nasigamira king'ang'a yiki ni kifananyi chayo, nu kuvugilira ku viikwa chukumanyirwa ku, ku vweni vwivwe anoho mu mukono gwigwe,

Likunula 16:2

Maku Engelosi wukutanga yazia nisundula ichaali mu bakuli yacho ku lirova. Zingwagu zindamanu ligali kandi zinduru zialoleka ku yavo avaari nu muhuri gwi king'ang'a harara na yavo avaari nivasigamiyi ikifananyi chacho.

Likunula 16:5

Ndaahulira kandi engelosi umulindi wa amazi navoora, “Likalaga lia umali kuhaana liveeye lirungi. Ivi oveeyeho, kandi wa liho, ivi mutakatifu.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 17:17

Nyasaye umali kugaviika mu mioyo jaavo ilienya kokora uvulariri vwivwe nu kuhulirizana aveene ku vene, nu kuha king'ang'a yiki uvunyali vwavo kwamiiha kuduuka lwi likuva lia Nyasaye lilitwekizwa.

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 18:24

Babiloni lianyora amageri kigira amasahi gavaporofeti na vandu va Nyasaye, Yee, amasahi ga avandu viitangwa ku lirova, galoleka mu lidaala linene.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.