Likunula 13:14 - KITABU KITAKATIFU

¹⁴ Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:14 Iomraidhean Croise

2 Avami 20:7

Maku Isaya yavolera avatumikiri vadendaa mwami vavuguli lunyasi lwu kuvaka ulwaduuvwa kuli ovosera kutura ku makuyu na vavake ku kivimbira chiche, naye alahona.

2 Avami 22:20

na amaduywa ga nzizaa koleta ku Jerusalemi galaduukizwa vuzwa inyima wi likuza liilio. Ndaleka ivi ukuzi mu mirembe.” Avasaza yavo virana ku mwami Josia na makuva yago.

2 Kyetsinyinga 18:21

Roho zana gwativula, ‘Ndazia kokora avaporofeti vosi va Ahabu vavoole ovovehi.’ Yahova yavoola, ‘Zia na umugaade. Ivi ulanyala.’ ”

Ayubu 12:16

Nyasaye aveeye wi zinguru kandi wi liguuta, uyu ugadwa kandi umugadi, vombi vaveeye mu zinguru zizie.

Kutwula 7:11

Maku mwami yalanga avandu veve avageri na vasigitiri. Kandi navo vaakora kindu kilala chere.

Isaya 44:20

Akombaa ligoke litaveeye kindu kuye. Zing'anagani zizie ziuvusiru zimugotizi ligali kali sianyala konyoora vokonyi kali hakuzu mba. Sianyala kuvugilira umwene ndi kifananyi cha agumiyi mu mukono gwigwe sikeveeye nyasaye mba.

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 16:17

Munyi kandi mwavugula magina guvuguli agandamuha, agalombwa ku ifeza nizahabu, ma nimwelombera vifananyi visaza kandi nimukora ovoheyi navio.

Ezekieli 8:10

Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:1

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 13:15

Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”

Likunula 14:9

Engelosi yindi ya kavaga yavalonda ziu kutanga ziviri navoora nu mwoyo munene, “Umundu woosi nasigamira king'ang'a yiki ni kifananyi chayo, nu kuvugilira ku viikwa chukumanyirwa ku, ku vweni vwivwe anoho mu mukono gwigwe,

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 16:13

Ndaalora kandi roho jivaga midamanu ijifaanaa amakere nijitula mu munwa mwo ogoyoka, nu mwi king'ang'a kandi mwo umuporofeti wo ovovehi.

Likunula 16:2

Maku Engelosi wukutanga yazia nisundula ichaali mu bakuli yacho ku lirova. Zingwagu zindamanu ligali kandi zinduru zialoleka ku yavo avaari nu muhuri gwi king'ang'a harara na yavo avaari nivasigamiyi ikifananyi chacho.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.