Likunula 12:10 - KITABU KITAKATIFU

¹⁰ Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

Likunula 12:10 Iomraidhean Croise

1 Kyetsinyinga 29:11

Ivi oveeye Munene kandi wi zinguru; wu vukumi, kandi wu vuguuti, wo kogenyia kandi wuvunyali. Ivindu viosi iviveeye mwigulu kandi mu lirova viveeye vivio, kandi ivi oveeye mwami oveeye igulu ligali ku vindu viosi.

Ayubu 1:11

Navuzwa niiva wakanyiyi mukono gugwo, nukudiviza nukuduya viosi via aveeye navio, alakonyega moni namoni.”

Ayubu 1:9

Maku Setani yativulira Yahova, “Uganaganaa Ayubu alakusigamira natanyooye kindu kutura ku ivi?

Ayubu 2:5

Navuzwa kalunu nyira mukono gugwo na udiiri muviri gwigwe, naye alakonyega moni namoni!”

Zaburi 22:28

Yahova aveeye mwami, kandi yamiha zihiiri.

Zaburi 45:6

Uvwami vwa Nyasaye amali kuha ivi, vulahindira mihiga ni mihiga. Ivi wamihaa avandu vovo nilikalaga lirungi.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Matayo 6:10

Uvwami vuvwo vuuzi; uvulariri vuvwo vokolwi mu lirova kuli vokolwa mwigulu.

Luka 11:2

Yeso yavavolera, “Lwa musaala, muvoore ndi: ‘Baba! Wiitu oveeye Mwigulu Lieta liilio litakatifu lizominywi; Uvwami vuvwo vuuzi.

Luka 22:31

“Simoni, Simoni! Hulira, Setani ateevi munwa ku Nyasaye agerizi munyi vosi kwavukanyia vandu valala kutura ku vandu vadamanu, mulimi asesaa ingano.

1 Vakorintho 5:4

Lwa muvuganaa harara, mu lieta liu Mwami wiitu Yeso, umwoyo gwange nigoveeye harara ni munyi, nizinguru ziu Mwami Yeso niziveeye ho kandi,

2 Vakorintho 12:9

Navuzwa litivuli lilie liali, “Zimbavasi ziange nizio zia wenyaa, kigira zinguru ziange ziveeye zindukiru ligali lwa oveeye mudedekere.” Kunangwa, mbeeye nu vuyanzi ligali kwekonya kigira ovodedekere vwange, kunangwa nduuki konyoora likingwa lie zinguru zia Kristo.

Tito 2:3

Wigizi kandi avakeere vave nuluyali lulahi mu miima jaavo; vatava avahuzirizi, anoho avayaanzaa amalwa. Gavadukiraa vigizi agaveeye amalahi.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 2:26

Yava avaguutaa, kandi yava avalindaa nu kugumira imiyinzi jange kuduuka ku keheri, ndavaha uvunyali ku izihiiri ziosi.

Likunula 7:10

Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”