Likunula 12:1 - KITABU KITAKATIFU

¹ Kelolekizu kenene chokogenyia chaloreka mwigulu. Yaali ho numukali wi inguvu yeeye yaloleka kuli liuva, numweli gwaali isi wi virenge vivie. Kandi yavikwa itaji yi zing'ereng'ani likomi na ziviri kumutwi gwigwe.

Likunula 12:1 Iomraidhean Croise

2 Kyetsinyinga 32:31

Lwa vatumwa kutura Babiloni vaza koteveveleriza amakuva gi kindu chokogenyia ichaali ni chekoleki mu kivala, Nyasaye yaleka Hezekia azie kunzira yeeye mwene aduuki kumugeriza kumanya agaveeye mu mwoyo gwigwe.

Zaburi 104:2

Ivi wikunikaa nu vulavu kuli inguvu, Waavambula ligulu kuli lihema;

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Lwimbu lwa Solomoni 6:10

Nivwaha uyu ololekaa kuli mumavwevwe? Aveeye mulavu kuli mweli, kandi wovulavu kuli liuva, agendaa kuli muganda gwi liihi nebendera yaavo imbiri?

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:3

Mulava kuli igudwa indahi mu mukono gwa Yahova, kandi kuli itaji yu vwami mumukono gwa Nyasaye winyu.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Matayo 12:38

Kunangwa avalala ku Vafarisayo kandi Avigizi vi Lilaga vavoolera Yeso, “Mwigizi, kwenyaa kolole kelolekizu kutura ku ivi.”

Matayo 24:30

Maku kelolekizu chu Umwana wa Adamu kilakaloleke mwigulu, na ahene yaho zihiiri ziosi zie lirova zilakaliri, lwa valilola Umwana wa Adamu ni yazaa ku malesi ni zinguru nu vukumi vonene.

Marko 13:25

Zing'ereng'ani zilaaguluka kutura mwigulu, zinguru ziu mwigulu zilakadengeyizwi.

Luka 21:11

Lilava ho lidegera lie lirova, ninzara nizinguzu mu vivala viosi, nuvutihizi, nivilolekizu kutura mwigulu.

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

Vikolwa 2:19

Ndakora vilolekizu yigulu mwigulu, na viokogenyia hasi mu lirova; galava ho amasahi, muliru nu mwoki munene;

Varumi 13:14

Navuzwa muvuguli viugi viu Mwami Yeso Kristo, kandi muleke kuganaganyia iliiva lienyu liu vwoni liukwigutiza likayirwa liavwo.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Vagalatia 3:27

Munyi vosi avabatizwa mu lihambanywa harara na Kristo, kandi mumali kuva kuli Kristo mwene.

Vagalatia 4:26

Navuzwa lidaala lia Jerusalemi yu mwigulu liveeye livoholore, kandi liveeye mama wiitu.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafeso 5:32

Agiligali gaviswa yaga gaveeye manene, navuzwa gaveeye kelolero cha Kristo ni likanisa.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 15:1

Ndaalora kandi kelolekizu kindi mwigulu ekenene chukuhuga kandi chokogenyia. Ziali ho ni zingelosi saba avaari nuvulwaye saba vudamanu vwu kumaliriza. Kuvitira muvwo vutima vwa Nyasaye vumali kohera.

Likunula 21:14

Lidiji lie lidaala linene zana liumbakwa ku misingi zana komi na mbiri ija ng'odwa ku amiita kumi na mbiri agavatumwa.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.