Likunula 11:8 - KITABU KITAKATIFU

⁸ Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.

Likunula 11:8 Iomraidhean Croise

Litanga 13:13

uwa vandu valio vaali avachamu kandi vakora uvwoni ku Yahova.

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

Kutwula 20:2

“Inzi mbeeye Yahova, Nyasaye winyu uwamutuliza Egebeti, uwa mwaali avatugwa.

Kutwula 3:7

Maku Yahova yavoola, “Ligali mali kolola uvusaaliri vwa vandu vange vaveeye navwo mu kivala cha Egebeti, kandi mali kuhulira lilira liavo liukwenya kosolwa kutura ku vadambizi vaavo.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 26:23

Vamuleeta ku mwami Jehoyakimu, uwamwiti ni kivavi na muviri gwigwe gwasiuvwa havundu havulavu havayavira vakuzu.

Ezekieli 16:46

“Mukaana winyu munene ni Samaria omenyi na vakana veve Ivaale winyu; mukaana winyu mukekeeke ni Sodoma omenyi Isavaalu harara na vakana veve.

Ezekieli 16:49

Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 23:19

Yaazizagilira kokora uvulaya ligali kuvita ing'inga yindi yoosi. Yizuliza kokora kuli yakola nakikiri mukaana musoleri, lwa yakola uvulaya lwa yaali mu kivala cha Egebeti.

Ezekieli 23:27

Inzi ndaheriza uvudamanu kandi uvulaya vuvwo vwosi vwakola nukikiri mu kivala cha Egebeti: Kunangwa, si ulalora kandi vifananyi anoho kwizuliza Egebeti kandi mba.”

Ezekieli 23:3

Lwa vaali nivakikiri avasoleri, nivamenyi mu kivala cha Egebeti, vonogonyia uvugima vwavo kandi nivagwa malaya.

Ezekieli 23:8

Siyaalekela kokora uvulaya vwa yakola lwa yaali namenyi Egebeti mba. Kutura ing'inga yayaali nakikiri mukaana musoleri, yakola uvulaya na vasaza kali kuduuka nivamukora kuva liraya.

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Amosi 4:11

“Ndaadiviza valala ku munye kuli ndaadiviza Sodoma na Gomora. Yavo ku munyi avaahona kuli kegenga chu muliru kituliziywi mu mahiga. Navuzwa simwirana ku inzi mba.

Matayo 10:15

Agiligali muvooleraa, mu Lidiku lie Likalaga, lidaala yilio lilanyoola amaduywa manene ligali kuvita agaagwa ku lidaala lia Sodoma na Gomora.

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”

Vahebraina 13:12

Kigira yaga Yeso kandi yakuzira ichova wi lidaala linene aduuki kutakasa avandu kutura muvwoni na masahi geege mwene.

Vahebraina 6:6

Niiva valeka lisuuvira liavo, ganyala kunyalika ndi kandi kuvilanyia vahia vaduuki kwiganira? Vavambaa Mwana wa Nyasaye, kandi kumuleganyira havulavu lwa viirana kokora vwoni.

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

Yudasi 1:7

Mwizurizi Sodoma na Gomora, kandi amadara agaali ahimbi, aga avandu vago vakora kuli zingelosi yava aviiviika mu kifavwi cho vuheyi vwi zing'ano ziosi kandi iligirunganyia uvutumiki vwu mwima gwi liiva lie imiviri jaavo. Vaveeye ekelolero chu kwiganihizira avandu vosi, na vavikiywi havulavu vanyoore amageri gu uvusaliri vwu umuliru imihiga ni imihiga.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:9

Ku madiku gavaga ni nusu, avandu kutura mu zihiiri ziosi numu zinimi ziosi, ni zihiiri ziosi, noku avandu vosi valahenza ku miviri jaavo mikuzu kandi sivalivugilira miviri jaavo mikuzu jiyavilwi mu vilindwa mba.

Likunula 14:20

Mizabibu jakamulirwa mu kiminiru keveeye ichova wi lidaala linene. Amasahi gasunduka kutura mu kiminiru kuli umugera gwizuuyi nigusurunguta kuduuka uvutambi zikilomita zimia zivaga, nuvutambi vwu kuzia musi vwali ahimbi zimita ziviri.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

Likunula 17:1

Mulala ku zingelosi saba avaari ni zibakuli saba yaza, ku inzi navoora, “Hamba yinu, ngumanyie likalagirwa liu mukali wa malaya munene, lidaala iliumbakwa ahimbi ni imigera minyingi.

Likunula 17:18

“Umukali wa walola aveeye lidaala linene zana, iliamiiha avami vi lirova.”

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”

Likunula 18:10

Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”

Likunula 18:18

Vaalira lwa valora mwoki gwi lisaambwa lialio, nivavoora; “Lidaala ki iliali kuli lidaala linene yili?”

Likunula 18:2

Kandi yahanzuka nu mwoyo gwi zinguru navoora, “Limali kugwa! Lidaala linene lia Babiloni limali kugwa ovomenyo vwa mademoni, kandi ugwiyi ovomenyo vwa amanyonyi madamanu na gukuvihiliriza goosi.

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.

Likunula 18:24

Babiloni lianyora amageri kigira amasahi gavaporofeti na vandu va Nyasaye, Yee, amasahi ga avandu viitangwa ku lirova, galoleka mu lidaala linene.