Likunula 11:3 - KITABU KITAKATIFU

³ Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

Likunula 11:3 Iomraidhean Croise

Litanga 37:34

Maku Yakobo yatandura zinguvu zizie mu vovereri, niyivika zinguvu zia magunia ma nasioma muyaayi weve ku madiku manyingi.

2 Samweli 3:31

Ahene yaho Daudi yalaga Joabu harara na avasaza vi liihi veve vosi ukutandula zinguvu, nukwivika magunia nukusiomera Abineri. Mu ing'inga yi liteevwa lia Abineri, Mwami Daudi yagenda inyima wi lisandugu.

1 Avami 21:27

Lwa Elija yamala komoloma, Ahabu yatandula zinguvu zizie, niyinavuula kandi niyiviika zinguvu zia magunia. Yasura kulia, naagona mu zinguvu zia magumia, nokogendagenda novovereri kandi mwoyo ni guukuzi.

2 Avami 19:1

Lwu mwami Hezekia yahulira amakuva yaga, yatandula zinguvu zizie mu vovereri vonene, ni yiviika zinguvu zia magunia ma nazia mu Litembeli lia Yahova.

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

Nehemia 9:1

Ku lidiku lia 24 liu mweli mulala mwere, avandu va Isiraeli vivungikiza harara okohonga lilia nukwivika zinguvu zia magunia kandi nukuviika luguchi ku mitwi jaavo kumanyia vovereri kigira uvwoni vwavo.

Ayubu 16:15

Inzi siomaa ninziviki zinguvu zia magunia, nzikaye hano mu luguchi ninguutinywi.

Zaburi 69:11

Lwa nziviikaga zinguvu zia magunia avandu vasekeriza.

Isaya 22:12

Mwami munene, Yahova Wuvunyali yamulanga muduuki kulira kandi musiome, muvege amasu ginyu kandi mwiviki zinguvu ziamagunia.

Jeremia 1:10

Kalunu ngohezanga zinguru ku zihiiri kandi ku vwami, kwiha kandi kusambula, kudiviza kandi kutung'aminya, kwumbaka kandi kusimika.”

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Ezekieli 4:6

Lwa umala kokora yaga, ugirung'ane ogone ku lovega lwu mukono mulungi na ugingi uvwoni vwa vandu vi Ivuyuda ku madiku 40. Ulakolandio lidiku lilala ku vuli muhiga.

Danyeli 12:7

Engelosi uwaali niyiviiki inguvu yikatani yaginga makono gombi mwigulu kandi nilomba lilagana mulieta lia Nyasaye omenya mihiga ni mihiga. Ndaahulira navoora, “Gilakave mihiga givaga ninusu. Lwi lidambizwa lia vandu va Nyasaye liliduuka ku keheri, vindu yivi vilakave ni vie kooleki.”

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 8:14

Ndaahulira engelosi yindi nitivulaa, “Vindu yivi vilazizagilira ku madiku 2,300 hamugorova kandi mugambazuri. Ku ng'inga yene yiyi, visiuviliru si vilahaanwa mba. Maku Litembeli lilatakaswa kandi.”

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Jona 3:5

Avandu va Nineve vasuuvira likuva lia Nyasaye. Kunangwa valandiza ndi, mundu woosi kuduuka ahonge lilia; kandi avandu vosi, kutura ku munene kuduuka ku mukekeeke, viviiki zinguvu zia magunia kumanyia ndi, vamali kwiganira.

Jona 3:8

Avandu vosi kandi zinyama ziosi kuduuka viviiki zinguvu zia magunia. Avandu vosi, vaaniri ku Nyasaye nu mwoyo gwosi. Vagirung'ane sa mulala nokoleka miima midamanu, nivikolwa vidamanu.

Livalidza 11:26

Avasaza vaviri ku vimiliri 70 Elidadi na Medadi, vaatigara havundu hokososa, na si vazia mulihema mba. Nivaveeye havundu hu kwivungikiza, vanyoola zinguru zia Roho, na vatanga kuporofeta.

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 18:16

Navuzwa navula kukuhulira, vugula mundu wundi mulala anoho vaviri, amakuva goosi gaduuki kulungika mu livoora lia avaloli vaviri anoho vavaga.

Luka 10:13

“O, vayaye, kilaamo keveeye ku ivi Korazini! O, vayaye kilaamo keveeye ku ivi Bezisaida! Miyinzi minene jivilolekizu ijakolwa mu munyi, jilava nijakolwa mumadala ga Tiro na Sidoni, ngano avandu yavo vigamira kale, ni viviiki amagunia kandi nivikaye mu ligoke.

Luka 24:48

Munyi muveeye avalolekizi vi vindu yivi.

Yohana 15:27

Na munyi, kandi, mulakave valolekizi vange kigira inzi, kigira mwali harara nainzi kutura mulitanga.

Yohana 3:27

Yohana yavavolera, “Mundu sianyala kuva ni kindu nataheeveywi na Nyasaye mba.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 13:31

Naye, ku amadiku manyingi yaloleka ku yavo avaazia harara naye kutura Galilaya kuduuka Jerusalemi. Yavo nivo avaveeye avalolekizi veve kalunu ku avandu va Isiraeli.

Vikolwa 2:32

Nyasaye umali kusimugukiza Yeso uyu kutura mu likuza, na kunyi kwosi koveeye avalolekizi ku likuva yili.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

1 Vakorintho 12:28

Nyasaye yatovola mundu sa mulala mu likanisa mu vwiyangu vwivwe. Mu vwiyangu vwukutanga, yatovola avatumwa, mu vwiyangu vwakaviri na vaporofeti vakavaga na avigizi; maku nalondiza ku vayinziri vi kihanwa chu kokora vilolekizu; kandi yalondiza ku yavo vahevwa izingulu zio kohonyia, anoho kokoonya vandi na viimiliri, kandi yavo vamoloma mu zinimi zing'eni.

2 Vakorintho 13:1

Yiyi ni ing'inga yange ya kavaga ya nziza kumugeniha. Mang'oda Matakatifu gavoora, “Likuva liosi liu kuyaala liladinyirizwa ni lilolekiza lia vandu vaviri anoho vavaga.”

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Kwidzulitsa 17:6

Anyala kwitwa vuzwa niiva avaloli vaviri anoho vavaga valavoora giligali kuye. Sialitiva niiva muloli aveeye mulala yeng'ine mba.

Kwidzulitsa 19:15

“Mulolekizi mulala vuzwa siadukira ku likalagirwa liu mundu oveeye nilihiolo mba. Avaloli vaviri anoho vavaga kuduuka vadinyirizi lilolekiza likuva kumanyia ndi mundu ahioye.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 11:2

Navuzwa oleke kubima umugizi gwi Litembeli. Kigira yigu goheveywi avandu vi zihiiri, yava valaduvaga lidaala litakatifu ku lwi mieli arubaini na mbiri.

Likunula 11:6

Avandu yava vaveeye ni zinguru ziu kuhana ligulu; kunangwa imbura ivuli kukuba mu madiku go voporofeti vwavo. Vaveeye ni zinguru kandi kugirung'anyia amazi kugwa amasahi, nukudiviza kivala nu vulwaye vudamanu zing'inga ziosi zia vayaanza.

Likunula 12:6

Umukali oyo yirukira mwigendanyama, havundu ha Nyasaye yaali namulombeeye alindirwi ho ku ing'inga ya madiku 1,260.

Likunula 13:5

King'ang'a zana chavugilirwa komoloma amakuva gu kwigingira nu kuchaya kandi konyega Nyasaye. Nyasaye yaavugilira king'ang'a zana kuva nu vunyali ku mieli arubaini na mbiri.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.