Likunula 11:19 - KITABU KITAKATIFU

¹⁹ Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 11:19 Iomraidhean Croise

Zaburi 105:32

Yatuma imbura ya magina nizimbeni ku kivala chavo havogono hi imbura indahi.

Zaburi 18:12

Imbura ya amagina no lomemo lwu muliru kutura koloheni, viaturuka mu malesi imbiri weve, kandi viavitira mu malesi mamwamu.

Isaya 28:2

Yahova aveeye nu mundu mulala Wuvunyali kandi wizingulu wetegeki kuvingilira uyu uliizaa kuli imbura ya magina, kuli imbura yologelera, kuli kiihi cha mazi manene ganyagulaa vwangu vwangu, na alavazooma hasi nukuvaguuta.

Isaya 29:6

Yahova Wuvunyali alamusoola ni zinguba ziukutihiza kandi nilidegera lie lirova. Alatuma kihuzuzi chi kiihi kandi olomemo lwu muliru.

Isaya 30:30

Avandu vosi valahulira mwoyo gwa Yahova gwilitiihiza kandi valahulira vululu vwu vutima vwivwe. Uvutima vwivwe vulava kuli olomemo lwu muliru gusambaa, kandi kuli liatuluruka lia malesi, imbura yamagina kandi imbura yizingulu.

Isaya 32:19

Navuzwa imbura ya magina ilakuba mu militu, kandi lidaala linene liradivizwa ligali.

Ezekieli 13:11

Ovoolere avaporofeti ndi amadigi ga vaporofeti yava gazizaa kugwa. Nangubizi imbura enene ya magina, kandi imbuza enene kuhunguza lidigi yili.

Ezekieli 13:13

Kalunu yaga nigo gu Yahova Wuvunyali avoora, “Mu vutima vwange, ndatuma imbuza yi kiihi kandi, imbura enene ya magina kudiviza lidigi.

Ezekieli 38:22

Nambane kuye mageri gu vulwaye ni likuza. Imbura yi migelera kandi ya magina harara nu muliru gwi kibiriti nikubi kuye harara ni liihi lilie kandi zihiiri zinyingi iziveeye kolovega lwilwe.

Livalidza 10:33

Kunangwa vandu va Isiraeli vatanga ologendo lwavo kutura ha kiguru kitakatifu cha Sinai vagenda ku madiku gavaga. Vasaalisi avagingaa Lisandugu lie Lilagana lia Yahova vazia imbiri wavo kwenyeleriza havundu ha vandu va Isiraeli vasosera.

Livalidza 4:15

Lwa Haruni harara na vayi vinyumba yeeye vamala kukunika Havundu Hatakatifu harara ni viju viosi vitakatifu, kandi lwa vava nivetegeki kuzia kutura a hokososera, avandu vi inyumba ya Kohazi valaza kuginga Lihema. Navuzwa gavadukiraa vavuli kugumira ku viju vitakatifu, gase valakuza. Kuginga lihema havundu hoosi halizia ni miyinzi ja vandu vi inyumba ya Kohazi.

Livalidza 4:5

Lwi ing'inga iduuka yu kusambula hokososa, Haruni na vayaayi veve valingila mu Lihema, vatulizi isuuka eveeye imbiri wi Lisandugu lie lilagana, ma valikuniki ni Isuuka yiyi.

Joshua 10:11

Lwa vandu va Amori vaali ni virukaa kutura ku liihi lia vandu va Isiraeli kuvitira ha kivitiru cha Bezi-horoni kuduuka Azeka, Yahova yakola magina manene gimbula kukuba kuvo kutura mwigulu. Avanyingi kuvo vaakuza ligali kuvita aviitwa nivivavi via vandu va Isiraeli.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 12:1

Kelolekizu kenene chokogenyia chaloreka mwigulu. Yaali ho numukali wi inguvu yeeye yaloleka kuli liuva, numweli gwaali isi wi virenge vivie. Kandi yavikwa itaji yi zing'ereng'ani likomi na ziviri kumutwi gwigwe.

Likunula 16:1

Ndaahulira mwoyo munene ni gomolomaa kutura mu Litembeli, ni govoolera zingelosi saba nigovoora, “Tuli muzie kusundura zibakuli saba ziu uvutima vwa Nyasaye ku lirova!”

Likunula 16:18

Viali ho zimbeni, zinguba ni lidegera lie kivala kandi yili liali lidegera linene lie lirova ilikiri kuva ku ho kutura ing'inga Nyasaye yalomba umundu mu lirova. Yili liali lidegera lie lirova linene ni lidamanu kuvita agandi goosi.

Likunula 16:21

Imbura ya amagina enene yakuba; vuli ligina liali nu uvulitu vwi zikilo 50 gagwira vandu kutura mwigulu, vaanyega Nyasaye, kigira amaduywa gi imbura ya amagina yeyo liduywa lie imbura ya amagina yilio liali lidamanu ni liu kutihiza ligali.

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”

Likunula 4:5

Ling'ereng'ana lio oloheni, imioyo ja avandu harara ni lihirigana lie zinguba, viahulirika kutura kondeve yu vwami yeyo. Izitaaya saba ziu muliru ziaka imbiri wendeve yu vwami. Izitaaya yizio ziveeye Roho saba va Nyasaye.

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.

Likunula 8:5

Engelosi yavugula ikituva, niyizuliza ku muliru kutura ku vwali ma naakisiuva ku lirova. Haali ho ni lihirigana lie izinguba, ni imioyo ja avandu izimbeni, kandi lidegera lie lirova.

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.