Likunula 10:5 - KITABU KITAKATIFU

⁵ Engelosi ya ndaalora nisingi kunyanza nu ku lirova, yaginga mukono gwigwe umulungi mwigulu.

Likunula 10:5 Iomraidhean Croise

Litanga 14:22

Aburamu yativulira mwami wa Sodoma ndi, “Inzi nzisuha ku Yahova, Nyasaye oveeye igulu ligali, mulombi wiligulu nilirova,

Nehemia 9:6

Maku kandi avandu va Isiraeli vasaala lisaala yili: Ivi, Yahova, ivi oveeye Yahova weng'ine; walomba ligulu ni zing'ereng'ani ziu muvwerefu. Ivi walomba lirova nizinyanza na viosi iviveeye mu; wahaana livamwoyo ku viosi. Uvwamihi vwizingulu vwu mwigulu vuinamaa hasi nukusigamira.

Zaburi 146:5

Aveeye nuvugasu umundu wa Nyasaye wa Yakobo akoonyaa, kandi weleedaa ku Yahova Nyasaye wavo,

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Kutwula 6:8

Ndamuleeta mu kivala cha ndasuuviriza ku chisuuhu kuha Aburahamu, Isaka, na Yakobo; kandi muliesuuha ndakihaana ku munyi kuli miandu jinyu aveene. Inzi mbeeye Yahova.’ ”

Ezekieli 20:15

Kandi ndavisuuhira mwigendanyama ndi, sindavahila mu kivala chandaali nindavaha mba, kivala kenoru kandi kigunamu ligali, kivala chaali kilahi ligali kuvita vivala vindi viosi.

Ezekieli 20:23

Kunangwa ndalomba lilagana lindi navo mwigendanyama. Ndisuuha ndi ndakavasalanyiri hagati hi zihiiri muvivala viosi.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 20:42

Lwa ndakamwiranye mu kivala cha Isiraeli, ichandisuuha kuhaana ku vaguuga vinyu, mulakamanye ndi Inzi mbeeye Yahova.

Ezekieli 20:5

Uvavoolere aga Inzi mboraa. Lwa ndaatovora vandu va Isiraeli, ndaalomba lilagana liange navo. Inzi mwene ndivuura kuvo mu Egebeti kandi nimbavolera: Inzi mbeeye Yahova Nyasaye wavo.

Ezekieli 36:7

Inzi Yahova Wuvunyali nzisuha ndi, zihiiri ziveeye ahimbi ni munyi zilava mu zisoni.

Ezekieli 47:14

Ndisuhira avaguuga vinyu ndi, ndakavahe miandu ji kivala yiki. Kulwayago, kalunu mulagavulane mundu sa mulala anyoore kidieli keleng'ani.

Danyeli 12:7

Engelosi uwaali niyiviiki inguvu yikatani yaginga makono gombi mwigulu kandi nilomba lilagana mulieta lia Nyasaye omenya mihiga ni mihiga. Ndaahulira navoora, “Gilakave mihiga givaga ninusu. Lwi lidambizwa lia vandu va Nyasaye liliduuka ku keheri, vindu yivi vilakave ni vie kooleki.”

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 17:23

Lwa ndavita mu lidaala lienyu linene nimbenza ahukusigamira hinyu, ndanyoora uvwali vwang'odwa ku amakuva yaga, ‘Ku Nyasaye utamanyikani’ uyu wa musigamiraa vugira kumumanya niyie wa inzi nzilwazira munyi.

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Kwidzulitsa 32:40

Kuli ligali inzi mbeeye Nyasaye oveeye mwoyo mihiga ni mihiga ng'ingaa mukono gwange yigulu kandi nzisuha,

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 10:2

Yaali na katabu kekekeeke mu mukono gwigwe ni kakunuliywi yavika kerenge chiche kilungi kunyanza ne kemosi ku lirova.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 16:17

Engelosi ya saba yasundula ichaali mu bakuli yacho ku zimbuza. Mwoyo umunene gwa Nyasaye gwatura mu Litembeli, nigovoora, “Keheri kimali kuduuka!”

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.