Likunula 10:1 - KITABU KITAKATIFU

¹ Ndaalora engelosi yindi yi zinguru niyiika kutura mwigulu. Yaali nafumiiywi ni lilesi kandi kisaahi chi imbura chaali ku mutwi gwigwe. Mu moni mwimwe mwaka kuli liuva, ni vilenge vivie viali kuli zitiru ziu muliru.

Likunula 10:1 Iomraidhean Croise

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Kutwula 16:10

Lwa Haruni yamoloma kulivugana liosi lia avandu va Isiraeli, vagirung'ana nivahenza mu changalangwi, kandi uvukumi vwa Yahova vwaloleka mu malesi.

Lwimbu lwa Solomoni 5:15

Vilenge vivie viveeye vilungi kuli zitiru zialombwa ku muse gwa magina gi zahabu. Aveeye nu vukumi kuli vigulu via Lebanoni harara ni midaragwa mitambi.

Isaya 19:1

Yili ni likuva kigira avandu va Egebeti. Yahova yaazaa mu Egebeti, naniini ku lilesi ligendaa vwangu. Vifananyi via vandu va Egebeti vasigamira, videgera imbiri weve, na avandu va Egebeti valakuza mioyo jaavo.

Isaya 54:9

“Mu ing'inga ya Nuhu, ndaalaga ndi sindaleeta kandi imbura zi migelera ku lirova kali hakuzu mba. Kalunu ndagaa ndi sindavihilirwa ivi kandi mba; sindakogondokera anoho kukuha mageri kandi mba.

Lisyoma lya Jeremia 3:44

Ivi umali kwikunika nililesi liliduhu kunangwa lisaala lietu silinyala kuhulika kuive mba.

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Danyeli 10:6

Muviri gwigwe gwang'ereng'ana kuli ligina liu vuguli, mumoni mwimwe mwahemahema kuli oloheni, zimoni zizie ziaka kuli muliru. Makono harara ni vilenge vivie viang'ereng'ana kuli ligina liavakwa mugasa, kandi mwoyo gwigwe gwa hulirika kuli lifuma liu muganda gwa vandu vanyingi.

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Kyavalevi 16:2

Yahova yavolera Musa, “Volera amwavo woovo Haruni ndi ni ku ing'inga idukanaa iyanyala kwingira inyima wi isuuka ikingaa havundu hatakatifu ligali, kigira niho ha inzi ndolekaa mu malesi igulu wi kikuniku keveeye ku Lisandugu lia malago; niiva sialahulira mba, aliitwa.

Matayo 17:2

Nonoho Yeso yagirung'anywa ligondo imbiri wavo. Mumoni mwimwe mwaka kuli iliuva, kandi izinguvu zizie ziahemahema kuli uvulavu.

Luka 21:27

Ing'inga yeyo, valalola Mwana wa Adamu ni yaazira mu malesi ni zinguru zinene kandi nu vukumi ovonene ligali.

Vikolwa 26:13

O, mwami, lwa ndaali kunzira mbasu hagati, ndaalora vulavu vonene kuvita uvwi liuva; vwang'ereng'ana kutura mwigulu, nivong'ereng'ana ku inzi zimbega ziosi kandi ku vandu avaari kologendo harara ninzi.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.

Likunula 18:1

Inyima wi vindu yivi, ndaalora engelosi yindi yi zinguru zinene niyiika kutura mwigulu, vukumi vong'ereng'ani ku lirova liosi.

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.

Likunula 20:1

Maku ndaalora engelosi niyiika kutura mwigulu, nagumiyi ulufungu lwe gehena harara nu munyororo muliduhu mu mukono gwigwe.

Likunula 4:3

Mu moni mwimwe mwang'ereng'ana kuli ligina lia Jasiperi, na Karinelia. Kisaahi chi imbura chakumbiriza endeve yu uvwami chaali ni irangi yu uvulimu.

Likunula 5:2

Kandi ndaalora engelosi wi zinguru na nahanzukaa nu mwoyo munene nateeva, “Ivwaha uduukani kovoholora imihuri ji kitabu yiki nu kukikunula?”

Likunula 8:13

Lwa lwa ndahenza, ndaahulira indizu, iyaali nibulukaa igulu mwigulu mu uvwerefu, nevoola nu mwoyo umunene, “O, vayaayi! Vayaayi! Kilakave kivi lugano ki ikiliduuka ku yavo avamenyi mu lirova lwi visiliva vie zingelosi vavaga vatigaye vaduukana vakubi.”