Likunula 1:8 - KITABU KITAKATIFU

⁸ Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 1:8 Iomraidhean Croise

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Litanga 35:11

Nyasaye yavolera Yakobo, “Inzi mbeeye Nyasaye Wuvunyali; ove nu lwivulu lunyingi. Zihiiri zilanyooleka kutura ku ivi, kandi avami valanyooleka kutura ku ivi.

Litanga 43:14

Nyasaye Wuvunyali okole umundu oyo ave nizimbavasi ku munyi, kunangwa amwiranyiri Benjamini na amwavo winyu wundi. Kulwa inzi, Niiva ndagotiza avana vange, kuduuka mbagotizi.”

Litanga 48:3

Yakobo yavolera Josefu, “Nyasaye Wuvunyali yaloleka ku inzi ha Luzi mukivala cha Kanaani, ma nangasiza.

Litanga 49:25

Nyasaye wa vaguuga vovo yakoonya ivi, Nyasaye Wuvunyali ugasizaa ivi nu vugasu vwi imbura kutura mu ligulu. Kandi agasizaa ivi na mazi gu mululiva lwi inyanza. Agasizaa ivi zinzivulu zinyingi zia vana nimitugu.

Kutwula 3:14

Nyasaye yavolera Musa, “Inzi Mbeeye Oveeye Ho. Yavoola, Vola yaga ku avandu va Isiraeli ‘Mbeeye Ho undumi ku munyi.’

Kutwula 6:3

Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Isaya 41:4

Nivwaha wakola yaga gekoleke. Nivwaha usingiliraa amakuva ga vandu vakale? Ni inzi Yahova, ndaali ho mu litanga, kandi ndakaveho mu limalirika.

Isaya 43:10

“Avandu va Isiraeli, muveeye avaloli vange; ndaatovora munyi muve vatumikiri vange, kunangwa muduuki kumanya inzi kandi kusuuvira mu inzi; Kandi kumanyiriza ndi inzi nzieng'ine mbeeye Nyasaye. Sihaliraho nu munyasaye wundi nataveeye inzi nzieng'ine mba; sihaveeyeho kandi sihaveeyeho nanyasaye wundi kuvita inzi.

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 48:12

Yahova avooreraa avandu va Isiraeli ndi, “Mumbulirizi, munyi avandu va Isiraeli ava inzi mali kulanga! Inzi mbeeye Nyasaye wu kutanga kandi we keheri!

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Livalidza 24:4

uyu unyala kuhulira ga Nyasaye avoora, ni zimoni ziumika ndolaa mumalola, amalola kutura ku Nyasaye Wuvunyali.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:17

Lwa ndaamulola, ndaagwa havirenge vivie kuli mukuzu. Yavika mukono gwigwe mulungi ku inzi, navoora, “Utatia mba! Mbeeye wukutanga kandi wu kumaliriza.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 11:17

nivavoora: “Kusandizaa ivi O, Mwami Nyasaye Wuvunyali, oveeye ho na uwaali ho! Kukusandiza kigira uvuguyi izingulu zizio zinene ma wamihi!

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 16:14

Kigira jiveeye roho ja mademoni, ijikolaa vilolekizu. Roho midamanu jivaga yigi jizizaa ku avami vosi vu mu lirova liosi, kuvavuganyia harara kigira uvulwani vwi Lidiku lie Likalaga lia Nyasaye Wuvunyali.

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 2:8

“Ng'oderaa engelosi wi likanisa liveeye mu Simarina: “Yaga nigo amakuva ga uyu oveeye litanga kandi limaliriza, uwakuza kandi naava mwoyo. Avoora.

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:13

Inzi mbeeye Alufa na Omega, wimbiri nuwukumaliriza, litanga ne keheri.”

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”