Likunula 1:5 - KITABU KITAKATIFU

⁵ kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 1:5 Iomraidhean Croise

Zaburi 51:2

Onzogize uvudamanu ligali, na undakase kutura muvwoni vwange.

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 89:27

Ndamukora ave muyaayi wange wimbiri, kandi mwami munene ligali kuvita avami vosi.

Tsing'ano 14:5

Muloli musuuvirifu avoora gagiligali kazozo, navuzwa muloli utaveeye musuuvirifu avoora ovovehi.

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Danyeli 2:2

Kunangwa yalanga avavuuli, vakumu na valogi vaze kumwivaalira kivuni cha maloto geege. Vaza nivasingira imbiri wu mwami;

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Kyavalevi 13:58

Niiva alafuuya kindu cha voveeye ku ma ikiba zana kegote, alakifuuya kandi na kilava kilahi kolondekana ni miima.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 13:34

Kandi kalunu muheezaa lilago lihia: muyaanzane aveene naveene. Kuli wa inzi ndamuyaanza, munyi kandi muyaanzane ndio.

Yohana 15:9

Inzi ndayaanza munyi kuli Baba ayaanza inzi. Mumenye mu vuyanzi vwange.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 3:11

Ngovolera ligali, kunyi komolomaa ku aga kumanyi kandi kololekizaa aga kwalola, navuzwa munyi simuyaanzaa kuvugilira amakuva gililolekiza lietu mba.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:32

Oyo ovola aga yalora na aga yahulira, navuzwa sihaveeyeho nu mundu uvugilira amakuva geege.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 26:23

gaduukiraa Mesia asalirizwi kandi kigira alava wu kutanga kusimuguka kutura mu vakuzu, alilwaza uvulavu vwo vohonyi kalunu vwaka ku vandu vosi, Avayuda na Avizihiiri kandi.”

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafeso 2:4

Navuzwa livelererwa lia Nyasaye, liveeye linene ligali kandi uvuyanzi vwivwe ku kunyi voveeye vonene kuvita kegero;

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Kwidzulitsa 18:2

Vatava nimiandu ji milimi kuli zihiiri zindi mba. Kidieli chavo keveeye uvugasu vwu kuva avasaalisi va Yahova, kuli Yahova yavasuuviriza.

Kwidzulitsa 23:5

Navuzwa Yahova Nyasaye winyu siyaali anyala kuhuliriza Baalamu mba; mu vogono yivwo yagirung'anyia kilaamo zana nikigwa ligasizwa kigira yamuyanza.

Kwidzulitsa 7:8

Navuzwa gaali kigira Yahova yamuyanza kandi yenya kutwekiza lilagana lia yasuuviriza avaguuga vinyu na yiki nicho chagira namuhonyia nu mukono gwigwe gwi zinguru kandi namuvoholora kutura mu kivala chu vutugwa, kutura mu zinguru ziu mwami wa Egebeti.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 1:19

Gaali masahi guvuguli ga Kristo, agaveeye kuli gu mwana wi ligondi utaveeye nimbala anoho ikindu kidamanu.

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 11:3

Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.