Likunula 1:2 - KITABU KITAKATIFU

² Yohana yilwaza likuva lia Nyasaye, kandi lilolekiza lia Yeso Kristo yavula, kandi umali kovora ivindu viosi via yalora.

Likunula 1:2 Iomraidhean Croise

Yohana 1:32

Yohana yahaana lilolekiza yili, “Ndaalora Roho niyiika kutura Mwigulu kuli likuulu kandi niyikara kuye.

Yohana 12:17

Kiduma chaali harara naye ing'inga ya yalanga Lazaro kutura mu kilindwa, naamusimugukiza kutura muvakuzu, vavoola agekoleka.

Yohana 19:35

Oyo walola yaga, yalolekiza kugo ndi munyi kandi muduuki kusuuvira. Lilolekiza lia yavoola liveeye lia agiligali, kandi amanya avoora agiligali.

Yohana 21:24

Uyu niyie mwigi walolekiza vindu yivi naaving'oda. Nakunyi kumanyi aga yavoola gaveeye agiligali.

Yohana 3:11

Ngovolera ligali, kunyi komolomaa ku aga kumanyi kandi kololekizaa aga kwalola, navuzwa munyi simuyaanzaa kuvugilira amakuva gililolekiza lietu mba.

Vikolwa 22:15

Ulamulolekiza ku vandu vosi; uvavoolere vindu via walola nu kuvihulira.

Vikolwa 26:16

Navuzwa kalunu vuka, singira vulungi. Inzi mali kololeka ku ivi nikivuni nduuki kokokola ove kuli mutumikiri wange. Ulavoolera avandu vandi vindu via ololi ku inzi lero, ni via ndikumanyia.

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

1 Vakorintho 1:6

Lilolekiza lie likuva lia Kristo limali kudinyirizwa ligali mu kunyi

1 Vakorintho 2:1

Avaamitu vange, lwa ndaaza ku munyi, kumwilwazira agaviswa giligali ga Nyasaye, sindatumikira makuva malahi anoho govogeri vutambi vwa vandu mba.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

3 Yohana 1:12

Avandu vosi vizominyaa Demeturo; agiligali gene galolekizaa lizominywa lilie. Yee, kandi kunyi komeeda ku lilolekiza lietu, kandi mumanyi vulahi ndi gakovoola gaveeye giligali.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:19

Kunangwa ng'oda ivindu via ololaa; ivindu viveeye ho, kandi ivindu viliva ho ulwi inyima.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Likunula 22:21

Zimbavasi ziu Mwami Yeso zive na avandu vosi. Amini.

Likunula 6:9

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.