Kyavalevi 9:3 - KITABU KITAKATIFU

³ Maku ovoolere avandu va Isiraeli, muvuguli imburi ekore kuva kihanwa chu uvwoni, ekemoli chu muhiga mulala ni ligondi liu muhiga mulala vugira imbara, kuva kihanwa chu kusambwa.

Kyavalevi 9:3 Iomraidhean Croise

Litanga 37:31

Maku vita imburi ma nivavaka kunguvu ya Josefu amasahi.

Ezara 10:19

Vosi visuhizana kandi nivalaga ndi valaleka vakali vaavo. Vahaana magondi mamigu kuva kuli kisiuviriru chu vwoni vwavo.

Ezara 6:17

Mu litakasa lie Litembeli lia Nyasaye yili, vahaana zigiriki 100, amagondi 200, kandi vimeme 400 kuva kuli visiuviliru, kandi vahaana zimburi 12 kuva kuli kihanwa chu vwoni, imburi indala ku vuli ihiiri ya Isiraeli.

Kutwula 12:5

Munyala kotovola ligondi anoho imburi, navuzwa kuduuka eve neveeye muhiga mulala vuzwa kandi isaza itaveeye nimbala.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Kyavalevi 10:16

Lwa Musa yenya kumanya ligali wi imburi yi kihanwa chu uvwoni yaali neveeye, yanyoora ndi yaali nisambiywi. Yavihilira avayaayi va Haruni, Elieza na Izamara, navateeva,

Kyavalevi 12:6

Lwi ing'inga yi litakaswa lilie iva niyakafa, naave mwana muyaayi anoho mwana mukaana alaleeta kememe chi ligondi chu muhiga mulala ku musaalisi ha vwingiliru vwi Lihema liukuvuganira mu na Yahova, kuva kihanwa chu kusambwa. Alaleeta kandi, likuulu lilala litugi anoho liumbulimu kuva kihanwa chu vwoni.

Kyavalevi 14:10

Ku lidiku lia munane, kuduuka aleete vimeme via magondi mamigu viviri vugira imbara ne kememe kisuveni chu muhiga mulala vugira imbara, zikilo zivaga ziuvusie vuzuganyiywi mu maguta ga muzeituni, kandi kedonye kilala ku vivaga chi liita ndala ya maguta ga muzeituni.

Kyavalevi 16:15

Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.

Kyavalevi 16:5

Avandu va Isiraeli navo valaha Haruni zimburi zikore ziviri kuva kihanwa chu uvwoni na ligondi likore kuva kihanwa chukusambwa.

Kyavalevi 23:12

Lidiku lia muletaa kihanwa chu vuswage, mulahaana kandi kememe kimigu chi ligondi chu muhiga mulala kitaveeye nimbala kuva kuli kihanwa chukusambwa.

Kyavalevi 4:23

na ahene yaho lwa avoolerwa uvwoni vwivwe vwa yakola yivwo, alaleeta imburi ekole itaveeye nimbala kuva kuli kihanwa chiche.

Kyavalevi 4:3

Niiva nu Musaalisi Munene, uva naakori vwoni, nukuviika vandu mu vwoni, kuduuka ahaane kisiuviriru chi kemoli kigiriki kitaveeye niimbala kigira vwoni vwivwe ku Yahova kuli kihanwa chu vwoni.

Kyavalevi 9:2

Yavolera Haruni, “Vugula kemoli kigiriki vugira imbara kuva kihanwa chicho chu uvwoni kandi ligondi limigu vugira imbara kuva kihanwa chicho chu kusambwa, ma uvihaane imbiri wa Yahova.

Kyavalevi 9:4

Na ulahaana igiriki ni ligondi limigu kuva kihanwa chi mirembe ku Yahova, harara ni kihanwa chu vuswage ni vuzuganyiywi mu na maguta. Kuduuka vakole ndio kigira Yahova alaloleka ku munyi kalunu.”

Varumi 8:3

Nyasaye umali kokora agi Lilaga liali livuli kokora kigira ovodedekere vwi liiva liu muviri. Yakalagira uvwoni voveeye mu mundu kulwu kutuma Mwana weve mwene, waza mu liiva liu mundu mwoni kuli kihanwa chu vwoni.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.