Kyavalevi 7:18 - KITABU KITAKATIFU

¹⁸ Niiva ku inyama yi kisiuviriru chiche ilaliivwa ku lidiku lia kavaga, Nyasaye sialavugilira kihanwa chiche mba. Kandi sikalavalizwa ku oyo ukihaani mba, kigira keveeye kidamanu. Oyo uva nalia kuinyama yeyo alava nilihiolo kandi alahevwa mageri.

Kyavalevi 7:18 Iomraidhean Croise

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Isaya 65:4

Ing'inga yu vudiku vazizaa mu vilindwa kwenya zing'anagani kutura ku miroho ja vandu vakuza. Valiza zinyama zie zimbizi, kandi vanwa umunyu golombeywi kutura ku zinyama zihaanwa ku avanyasaye kuli ivisiuviliru.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Jeremia 14:10

Yahova avoora yaga kigira avandu yava, “Vayaanza kwiluka kutura ku inzi, kandi sivanyala kwirinda aveene mba. Kulwayago, si vanyanziza mba. Ndiizuliza uvudamanu vwa vamali kokora na ndavaha amageri kigira uvwoni vwavo.”

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Ezekieli 18:20

Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Kyavalevi 10:17

“Kigira ki muvuli kulira kihanwa chu uvwoni havundu ahatakatifu? Keveeye kitakatifu ligali, kandi Yahova umali kukihaana ku munyi aduuki kutulizaho uvwoni vwa avandu vosi.

Kyavalevi 10:19

Haruni yativulira Musa, “Henza, kalunu avandu vamali kuhaana vihaanwa viavo viu uvwoni, kandi vihaanwa viavo viukusambwa ku Yahova, navuzwa ivindu vidamanu kuli yivi vimali kokoleka ku inzi! Na, ndava uliiyi kihanwa chu uvwoni yiki, ngano Yahova yakayaanziywi ninzi?”

Kyavalevi 11:41

“Utalia ku kuzinyama zinguzuzu zimolaa kumalova mba. Ziveeye zindamanu.

Kyavalevi 17:16

Natakola ndio, alanyoola mageri gu vudamanu vwivwe mwene.

Kyavalevi 19:5

“Lwa musinza mutugu kuva kihanwa chi mirembe ku inzi Yahova, mulonde malago gandaamuha kunangwa mbugiliri kihanwa zana kulwa munyi.

Kyavalevi 20:17

Niiva musaza aleetaa mbozo weve, mukaana wa baba weve anoho wamama weve, na vombi vagone harara, keveeye ikindu chizisoni ligali. Kuduuka vakungwi kutura hagati ha avandu vaavo umali kwonogonyia nukuha mbozo weve zisoni, na kuduuka agingi vudamanu vwivwe mwene.

Kyavalevi 20:19

Niiva umundu alagona harara na senge weve kuli mukali, kuduuka vombi vasalirizwi kigira vwoni vwavo.

Kyavalevi 22:16

ku lileka mundu woosi utaavugulirwa alie ku vihaanwa vitakatifu mba. Nigakava ndio, galaleeta lihiola namaduywa ku mundu kuli oyo. Inzi mbeeye Yahova kandi nombaa vihaanwa kuva vitakatifu.”

Kyavalevi 22:23

Kuli ikihaanwa chu vwihaani, munyala kuhaana mutugu gwakuunya anoho gwavula kolombwa vulahi ku vivero viumuviri gwacho, navuzwa sigunyala kuvugilirwa mu liduukiza liesuuha mba.

Kyavalevi 22:25

“Mutahaana kihanwa chichukulia cha Nyasaye winyu mutugu gwosi kutura ku mugeni mba. Mitugu kuli yiji jivugulwa kuva kuli jiveeye nimbala kulwayago sijinyala kuvugilirwa mba.”

Kyavalevi 5:17

Niiva mundu woosi alakola uvwoni nukuvunaga lilala ku malago ga Yahova yalaga vugira kusaavira, aveeye nilihiolo, na kuduuka ahaane mutungu gwu kuvunanyia lilago.

Kyavalevi 7:19

Niiva inyama yiyi iladiira ku kindu choosi keveeye kidamanu kolondekana ni miruka silaliivwa mba. Kuduuka isambwe nu muliru. Mundu woosi oveeye mulungi kolondekana ni miruka anyala kulia inyama zana.

Amosi 5:22

Lwa muletaa ku inzi vihaanwa vienyu viokusambwa, kandi vihaanwa vienyu viu vuswage, sindavivugilira mba; kali sindavugilira vihaanwa vienyu vie mirembe vie zinyama zinolu mba.

Malaki 1:10

Yahova Wuvunyali avoora, “Nzegomba mundu mulala ku munyi ahane viliango vie Litembeli kunangwa muvuli kuhambiza muliru gutaduukanaa ku vwali vwange. Inzi simbeeye nuvuyanzi ni munyi mba, si ndavugilira vihaanwa via muletaa ku inzi mba.

Malaki 1:13

Muvooraa, ‘Kunyi kuluhi ni vindu yivi viosi!’ Na mugilung'anaa ni mumbezaa. Lwa muhaanaa ku inzi muletaa vihaanwa vie zinyama zia mumali kwiva, anaho inyama yalema anoho ilwalaa, muganaganaa ndazivugilira?

Livalidza 18:27

Vihaanwa vienyu yivi vilafananywa ni vihaanwa viu vuswage viu mulimi alombaa kutura ku vuswage vuhia kandi iwaini imbia.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Varumi 4:11

Aburahamu yakevwa inyima, na likevwa yilio liali kelolero chamanyia ndi Nyasaye yamuvugilira kuva mulungi kigira lisuuvira lilie lia yaali nalio nakikiri kokevwa. Kulwayago, Aburahamu yaduuka kuva baba wa vosi avasuuviraa Nyasaye, kandi avavugilirwa naye kuva valungi, kali niiva sivakevwa mba.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.