Kyavalevi 7:12 - KITABU KITAKATIFU

¹² Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Kyavalevi 7:12 Iomraidhean Croise

2 Kyetsinyinga 29:31

Hene yaho, mwami Hezekia yavavolera, “Kalunu mumali kwitakasa munyi aveene imbiri wa Yahova, mwisundi ahimbi, mulete visiuviliru kandi vihaanwa viu kusandiza ku Yahova.” Livugana lialeta visiuviliru kandi vihaanwa viu kusandiza mu Litembeli; na vosi avaari nu mwoyo gwu vwihaani valeta vihaanwa viu kusambwa.

2 Kyetsinyinga 33:16

Yumbaka vuhia uvwali aha Yahova yaasigamirwa, kandi yahaana visiuviliru viemirembe kandi vihaanwa vie lisandiza kuvwo. Yalaga avandu vosi vi Ivuyuda ukusigamira Yahova, Nyasaye wa Isiraeli.

Nehemia 12:43

Lidiku yilio, vahaana visiuviliru vinyingi, na avandu vizura vusangali vonene ligali kigira Nyasaye yaali navakoli kuva nu vuyanzi ligali. Avakali na avana vasanga mu lisangala zana, kandi liyoga lia valomba liahulirika kuduuka ihale na ihale.

Zaburi 107:8

Kuduuka vasandizi Yahova kigira uvuyanzi vwivwe vutaveeye ne keheri, kandi kigira ku vindu viokogenyia viayavakolera.

Zaburi 116:17

Ndakuha kisiuviriru chi lisandiza, kandi ndahaana lisaala liange ku ivi.

Zaburi 50:23

Lwa muhaanaa lisandiza ku inzi, gaveeye kuli muhanaa visiuvilu viu kuhaana luyali ku inzi, na mulikola ndio, ligali ndahonya yavo vosi avambuliraa.”

Jeremia 33:11

lihanzuka liu vuyanzi kandi liu vusangali vwa oyo osererwa kandi osereranga. Avandu valimba nokoleta vihaanwa vie lisaandiza mu Litembeli liange; valavoora, ‘Muhaane lisaandiza ku Yahova Wuvunyali, kigira aveeye mulahi, kandi vuyanzi vwivwe vutali nekeheri vuhindiraa mihiga ni mihiga.’ Ndakora kivala yiki kuva chu vugasu kuli chaalange maziambiri. Inze Yahova, mali kovora.”

Hosea 14:2

Mwirane ku Yahova na musaale lisaala yili kuye kuli kihanwa: “Ukusamihi uvwoni vwitu vwosi kandi uvugiliri lisaala lietu. Kunyi kulakwizominya kuli kumali kulaga.

Kyavalevi 2:4

Niiva kihanwa zana keveeye mugadi gwuminyirwa mu lijiiko, kuduuka gove vugira mamera. Kuduuka gove mugadi mulitu gwu vusie vwazuganywa mu na maguta ga muzeituni anoho ivisikuti viavakwa maguta ga muzeituni.

Kyavalevi 2:5

Niiva kihanwa keveeye mugadi gwadekerwa kutura ku vusie vunyuki, uvwazuganywa mu na maguta ga muzeituni, navuzwa vugira amamera.

Kyavalevi 22:29

Lwuhaana kihanwa chilisandiza ku Yahova olonde malago kunangwa uvugilirwi.

Kyavalevi 6:16

Haruni harara na vana veve valalia vutigaye, navuzwa vulaliilwa havundu hatakatifu vugira kuzuganyia mu mamera hamugizi hi Lihema.

Kyavalevi 7:15

Inyama yi kisiuviriru chi kihanwa chi mirembe ku lisandiza, kuduuka iliivwi ku lidiku zana liu mutugu yigwo gusiziywi; Ataleka kali kedonye kekekeeke kuyo kiduuki mugamba golondaku mba.

Amosi 4:5

Muhaane kisiuviriru chu kusandiza chi migadi ja mamera, na mulandizi amakuva gi vihaanwa viumwoyo gwu kwihana nu vuyanzi. Mulandizi kigira yivi nivio vindu via muyanzaa kokora. O, munye avandu vi kivala cha Isiraeli!”

Livalidza 6:15

Kandi alahaana kihinda chu vukima vutali na mamera; uvukima vwu vusie uvunyuki vwazuganywa amaguta, visikuti viavakwa maguta, kandi kihanwa chu vuswage ni iwaini.

Luka 17:16

Yaza, naagwa mam'mama ha virenge via Yeso namusaandiza. Mundu uyu yaali Umusamaria.

Luka 17:18

Kigira ki mugeni uyu yeng'ine niye wirani kuhaana lisandiza ku Nyasaye?”

Varumi 1:21

Kali niiva vamanya Nyasaye aveeye ho, navuzwa sivamukuminyaa kuli aveeye Nyasaye, anoho sivamusandizaa mba. Mu vogono vwo kokora ndio, zing'anagani ziavo ziagirung'anywa kuva vuzwa, ni mioyo jaavo juvusiru jayizula kisundi.

Vafeso 5:20

Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.