Kyavalevi 6:5 - KITABU KITAKATIFU

⁵ anoho kindu choosi cha yisuha nuvugaadi. Kuduuka yiranyie choosi na ameede ku kedieli kilala ku vitano chu vuguli kandi akihaane ku mwene cho ku lidiku lia ahaanaa kihanwa chiche chu uvwoni.

Kyavalevi 6:5 Iomraidhean Croise

2 Samweli 12:6

Kigira likora inguuva ndamanu yiyi, kuduuka atuungi haali kane kuli yavugula.”

Nehemia 10:35

Kulahila mu Litembeli vuli muhiga, ligesa liukutanga kandi nivihaanwa vietu vindi vie iwaini, maguta ga muzeituni, kandi ni zing'ano ziosi zia makuyu.

Kutwula 22:1

“Niiva umundu aliiva eng'ombe anoho ligondi niyiita anoho naaguliza, gamuduukira atungi zing'ombe zitano kuvuli eng'ombe kandi amagondi gane ku vuli ligondi.

Kutwula 22:4

“Niiva alanyoleka nu mutugu gwivwa nigoveeye mwoyo, niiva neng'ombe anoho ibunda anoho ligondi, kuduuka atungi haali kaviri.

Kutwula 22:7

“Niiva mundu avugiliraa kulindira uwache amabese anoho vindu vindi viuvuguli ma vivwi kutura munyumba yeeye, niiva mwivi oyo alanyooleka, alatungaa haali kaviri.

Kutwula 22:9

“Muvindu viosi viletaa livitaana ku miandu, kali vive zing'ombe, anoho zibunda, anoho magondi, anoho zinguvu, kali vindu viosi niiva nivigoti, avandu vaviri vavitaani kigira miandu, valahirwa havundu ahukusigamira Nyasaye Mundu wa Nyasaye anyoora kuva mudamanu alatungaa haali kaviri.

Kutwula 30:7

Vuli mugamba lwa Haruni yaza kwetegekiza zitaya, kuduuka asambili ku kimuli kifunyaa mwayu mulahi.

Isaya 58:6

“Liiva lie lihonga lilia lia nyenya ni yili: Mutulizi ho minyororo ji lidambiza kandi iniira yi likalaga litali lirungi, na muleke avadambizwa navatugwa vave vavoholole.

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Ezekieli 33:15

kandi, niiva alilanyia kindu chayahaana kigira ligovi anoho yiranye icha yiva, kandi alekele kokora uvwoni, ma alonde lilaga lihaana livamwoyo, sialakuza mba, navuzwa alava mwoyo.

Kyavalevi 5:16

Kuduuka ahaane mitungu jayavula kuleeta ku Yahova kandi ameede kidieli cha sirini ku mia moja chi mitungu yijo. Alakihaana ku musaalisi umanya ahaane kuli kisiuviriru chu uvwoni vwu mundu oyo naye alasaamifwa.

Luka 19:8

Navuzwa Zakayo yasingira navolera Mwami, “Hulira, Mwami! Ndahaana inusu yi vindu viange ku avadaka, kandi niiva ndaavugura kindu choosi chu mundu kali mulala nuvugadi, ndamwiranyira haali kane.”

1 Samweli 12:3

Mbeeye hano. Niiva ndamala kokora kindu kidamanu choosi, munzaale kalunu imbiri wa Yahova kandi imbiri wu mwami wamali kotovola. Ni eng'ombe ya vwaha kinga ni ibunda ya vwaha ya ndavugura kuzinguru? Nivwaha wa ndaga vindu vivie, anoho wa ndadambiza? Nivwaha wa ndavugura ku viambeti nduuki kuhaana likalaga litali lirungi? Niiva ndaakola kilala ku vindu yivi, ndirana kutunga cha ndaavugura.”