Kyavalevi 5:7 - KITABU KITAKATIFU

⁷ Niiva mundu sialanyala konyoora kememe chi ligondi anoho imburi, alaleeta ku Yahova kuli mutungu gwu vwoni vwivwe, makuulu gaviri matugi anoho makuulu gaviri gumuvulimu. Lilala lilava kisiuviriru chu uvwoni nilindi lilava kisiuviriru chu kusambwa.

Kyavalevi 5:7 Iomraidhean Croise

Kyavalevi 12:6

Lwi ing'inga yi litakaswa lilie iva niyakafa, naave mwana muyaayi anoho mwana mukaana alaleeta kememe chi ligondi chu muhiga mulala ku musaalisi ha vwingiliru vwi Lihema liukuvuganira mu na Yahova, kuva kihanwa chu kusambwa. Alaleeta kandi, likuulu lilala litugi anoho liumbulimu kuva kihanwa chu vwoni.

Kyavalevi 12:8

Niiva mukali oyo sianyala konyoora kememe chi ligondi chumuhiga mulala, alaleeta makuulu matugi gaviri anoho makuulu gu muvulimu gaviri; lilala kuva kihanwa chiche chukusambwa, na lindi kuva kihanwa chiche chuvwoni. Na musaalisi alamulombera chukutulizaho uvwoni vwivwe, naye alatakaswa.

Kyavalevi 14:30

Maku alahaana lilala ku makuulu matugi anoho gumuvulimu

Kyavalevi 14:31

lilala kuli kihanwa chu uvwoni ni lindi kuli kihanwa chukusambwa harara nikihaanwa chu vuswage. Munzira yiyi, musaalisi alalomba muruka gwu kutakasa.

Kyavalevi 15:30

Musaalisi alahaana lilala kuli kihanwa chu uvwoni na lindi kuli kihanwa chukusambwa. Munzira yiyi alamulombera muruka gwu kutakaswa.

Kyavalevi 16:5

Avandu va Isiraeli navo valaha Haruni zimburi zikore ziviri kuva kihanwa chu uvwoni na ligondi likore kuva kihanwa chukusambwa.

Kyavalevi 27:8

Niiva umundu woosi alombaa lilagaa liu kwisuuha na aveeye mudaka ligali utanyala kutunga vuguli vwavugilirwa alaleeta umundu zana ku musaalisi, nu musaalisi alaviika vuguli hasi, kolondekana ni linyaliza liu umundu wisuhaa.

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 7:1

Yaga nigo malago ku vihaanwa via mahiolo, gaveeye matakatifu ligali.

Kyavalevi 9:3

Maku ovoolere avandu va Isiraeli, muvuguli imburi ekore kuva kihanwa chu uvwoni, ekemoli chu muhiga mulala ni ligondi liu muhiga mulala vugira imbara, kuva kihanwa chu kusambwa.

Livalidza 5:6

avolere avandu va Isiraeli ndi, lwu mundu woosi musaza anoho mukali avula kuva musuuvirifu ku Yahova ma akolere wundi vudamanu,

Livalidza 6:10

Ku lidiku lia munane, mundu oyo alaleeta makuulu 2 noho vidudi 2 ku musaalisi ha vwingiliru vwi Lihema liu kuvuganiramu.

Livalidza 6:11

Musaalisi alahaana likuulu lilala kuva kuli kihanwa chu vwoni, ni lindi alahaana kuva kuli kihanwa chu kusambwa. Alamukolera muluka gwu kuhambana na Yahova kigira yakola uvwoni mu liesunda himbi nu muviri mukuzu. Ku lidiku lilala liere, mundu oyo alitakasa kandi.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 21:12

Yeso yingira mu Litembeli lia Nyasaye, nakunga avandu vosi avaari nivagulizaa nukugula ivindu. Yaatung'aminya izimesa zia vakiranyi va mabese, ni zindeve zia yavo avagulizaa vidudi.

Matayo 3:16

Lwa Yeso yaali niyakabatizwa, yatura mu mazi vwangu. Henza iligulu liakunuka, Roho wa Nyasaye yika kuli ilikuulu, ni yaza kuye.

Luka 2:24

Vazia vaduuki kuhaana kihanwa chukusaalisa: amakuulu gaviri gumbulimu, anoho vidudi viviri kolondekana ni lilago liu Mwami.

2 Vakorintho 8:12

Niiva mundu aveeye nilienya kuhaana, Nyasaye avugiliraa kihanwa chiche kolondekana ne kegero chanyala kuhaana; sianyala kuhaana chataveeye nacho mba.