Kyavalevi 5:11 - KITABU KITAKATIFU

¹¹ Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 5:11 Iomraidhean Croise

Kutwula 16:18

Lwa vakegera, yavo avavungiza vinyingi sivali nivinyingi mba, kandi yavo avavungiza vikekeke sivali navio vikekeke mba. Vuli mundu yaali navungizi via yaduukanaa navio.

Kutwula 16:36

Ligera zana liadukanaa no voleng'ani vwi zilita silini.

Kyavalevi 1:14

Niiva mundu alahaana ku Yahova kihanwa chu kusambwa chi linyonyi, kuduuka keve likuulu anoho kidudi.

Kyavalevi 12:8

Niiva mukali oyo sianyala konyoora kememe chi ligondi chumuhiga mulala, alaleeta makuulu matugi gaviri anoho makuulu gu muvulimu gaviri; lilala kuva kihanwa chiche chukusambwa, na lindi kuva kihanwa chiche chuvwoni. Na musaalisi alamulombera chukutulizaho uvwoni vwivwe, naye alatakaswa.

Kyavalevi 14:21

Niiva mundu oyo aveeye mudaka na sianyala konyoora ivindu vienyeka, alaleeta kememe kimigu kilala kuva kuli kihanwa chiche chu uvwoni, kihanwa kidukiru ku Yahova, kigira musaalisi. Alaleeta kilo ndala yu vusie vuzuganyiywi mu maguta ga mizeituni kuva kihanwa chu vuswage kandi kedonye kilala ku vivaga chi lita ya maguta ga muzeituni.

Kyavalevi 27:8

Niiva umundu woosi alombaa lilagaa liu kwisuuha na aveeye mudaka ligali utanyala kutunga vuguli vwavugilirwa alaleeta umundu zana ku musaalisi, nu musaalisi alaviika vuguli hasi, kolondekana ni linyaliza liu umundu wisuhaa.

Kyavalevi 5:12

Alavoleeta ku musaalisi umanya avuguli luhi lulala kuvwo kuli kihanwa kihaaniywi ku Yahova, na alavusambira ku vwali kuli kihanwa chi viukulia. Yiki keveeye kihanwa chu kutuliza vwoni.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Kyavalevi 5:9

Aluuha malala ku masahi galio kundulu kwu uvwali. Alatahiza masahi gatigaye goosi mu lwaalo lwu uvwali. Yiki keveeye kihanwa chu kwogiza uvwoni.

Kyavalevi 6:20

kolondekana nu uvasaalisi vinyumba ya Haruni. Ku lidiku liu musaalisi aviikilwa ku makono, alahaana kihanwa ku Yahova kilo ndala yu vusie vunyuki eveeye kegero kilala chere ku kihanwa chu vuswage cha vuli lidiku, inusu yavwo ihaanwa ha mugamba na inusu yindi hamugorova.

Livalidza 5:15

maku musaza oyo alavugula mukali weve amuhili ku musaalisi; alahila harara ni kihanwa chu vusie vwi ingano kiloguramu indala, silaviikwaku amaguta anoho kimuli mba, kigira keveeye kihanwa chu vuswage cho kokendeka lwu musaza yenya kuvuula makuva yaga havulavu.

Livalidza 7:13

Yahaana isahani indala yi ifeza, yaali nu vulitu vwi kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu, viombi vizura uvusie vwazuganywa maguta kuva kuli kihanwa chu vuswage.

Luka 2:24

Vazia vaduuki kuhaana kihanwa chukusaalisa: amakuulu gaviri gumbulimu, anoho vidudi viviri kolondekana ni lilago liu Mwami.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.