Kyavalevi 5:1 - KITABU KITAKATIFU

¹ Niiva mundu woosi alalaangwa ahaane lilolekiza mu kiyaalo navuzwa avuli kovora makuva ku kindu cha amali kolola anoho ahuliyi, alava muhioli na gamuduukira ahevwe mageri.

Kyavalevi 5:1 Iomraidhean Croise

1 Avami 22:16

Navuzwa Ahabu yativura, “Lwa omolomanga ku inzi mu lieta lia Yahova, vola agiligali! Ni haali kanga ningovolera ndio?”

1 Avami 8:31

“Lwa mundu yonera mutende weve ma yenyeka yisuuhi ma yaaze kwisuuhira imbiri wu vwali vuvwo mu Litembeli yili, kwisuuha ndi siaveeye nimbala,

2 Kyetsinyinga 18:15

Navuzwa Ahabu yativura, “Lwa omoloma niinzi mu lieta lia Yahova, vola agiligali! Ni haali kanga ningovolera okole ndio?”

Zaburi 38:4

Uvwoni vwange vunguniki kali kuduuka kumutwi gwange kuli musigo muliduhu, ugwa inzi ndakavuli kuginga.

Kutwula 22:11

mundu oyo kuduuka azie hukusigamira Nyasaye nukwisuhizilwa ho nu kovora ndi siyiiva mutugu gwu wache mba. Niiva mutugu sigwivwa mba, mwene gwo alavugilira gwagota, nu mundu wundi oyo sialamutunga mba.

Tsing'ano 29:24

Mulina wu mundu mwivi yiviika muvuhimwa vwu vusigu, ahulira kilaamo, navuzwa si avoora kindu mba.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Jeremia 23:10

Kivala chayizula avandu vataveeye avasuuvirifu ku Yahova; vamenya limenya liuvuchamu kandi vatumikira zinguru ziavo vudamanu. Avandu vi kivala vasioma kandi uvwayilu vwayuma kigira kilaamo cha Yahova.

Ezekieli 18:20

Mundu okolaa uvwoni alakuza. Mwana sialasalira kigira uvwoni vwa baba weve mba, anoho baba sialasalira kigira uvwoni vwu mwana weve mba. Mundu mulungi alanyoola madanyi ku likora uvulungi, kandi mundu mudamanu alasalira kigira uvudamanu vwakolaa.

Ezekieli 18:4

Henza, avandu vosi vaveeye avange, avababa kandi avana vosi vaveeye avange. Mundu okolaa uvwoni niyie ulikuza.

Kyavalevi 17:16

Natakola ndio, alanyoola mageri gu vudamanu vwivwe mwene.

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Kyavalevi 20:17

Niiva musaza aleetaa mbozo weve, mukaana wa baba weve anoho wamama weve, na vombi vagone harara, keveeye ikindu chizisoni ligali. Kuduuka vakungwi kutura hagati ha avandu vaavo umali kwonogonyia nukuha mbozo weve zisoni, na kuduuka agingi vudamanu vwivwe mwene.

Kyavalevi 4:2

avolere vandu va Isiraeli ndi niiva mundu woosi alakola vwoni nukuvunanyia lilala ku malago ga Yahova vugira kusaavira kukola ndio, gamuduukira alonde malago yaga.

Kyavalevi 5:15

Niiva mundu woosi alakola uvwoni vugira kumanya ku livula kutunga vindu viveeye vitakatifu ku Yahova, alatungaa kihanwa chi ligondi likore anoho imburi ekore itaveeye nimbara. Vuguli vwayo vulamanyikana kolondekana nu vuguli vwavugilirwa.

Kyavalevi 5:17

Niiva mundu woosi alakola uvwoni nukuvunaga lilala ku malago ga Yahova yalaga vugira kusaavira, aveeye nilihiolo, na kuduuka ahaane mutungu gwu kuvunanyia lilago.

Kyavalevi 7:18

Niiva ku inyama yi kisiuviriru chiche ilaliivwa ku lidiku lia kavaga, Nyasaye sialavugilira kihanwa chiche mba. Kandi sikalavalizwa ku oyo ukihaani mba, kigira keveeye kidamanu. Oyo uva nalia kuinyama yeyo alava nilihiolo kandi alahevwa mageri.

Livalidza 9:13

Navuzwa mundu woosi oveeye mulahi kandi utaveeye ihale mu logendo, kandi uvula kusangalira Lipasaka, sialava mulala ku vandu vange mba, kigira si yahaana vihaanwa ku inzi ku ing'inga yalagwa mba. Mundu uyu alagiinga uvwoni vwivwe umwene.

Matayo 26:63

Navuzwa Yeso yakiring'ana. Musaalisi Munene yamuvolera, “Ngwisuuhiza mu lieta lia Nyasaye oveeye mwoyo, okovolere niiva ivi niyie Mesia, Umwana wa Nyasaye.”

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

Vakalagi 17:2

Yavolera mama weve, “Lwu mundu yiva ividonye viefeza elefu ndala na miamoja kutura kuivi, walaama umwivi zana. Inzi mwene ndaahulira nulaamaa. Kalunu mbeeye na mabese zana yago. Ni inzi waali nindazivugura.” Mama weve yavoola, “Yahova akugasizi muyaayi wange!”