Kyavalevi 4:32 - KITABU KITAKATIFU

³² Niiva mundu woosi alaleeta kememe chi ligondi kuli kihanwa chiche chu uvwoni, kuduuka keve kisuveni vugira imbara.

Kyavalevi 4:32 Iomraidhean Croise

Kutwula 12:3

Muhaane malago yaga ku avandu vosi va Isiraeli: Ku lidiku lie likomi liu mweli gunu vuli mundu woosi kuduuka atovolere vandu avinyumba yeeye ekememe chiligondi anoho chimbuli.

Kutwula 12:5

Munyala kotovola ligondi anoho imburi, navuzwa kuduuka eve neveeye muhiga mulala vuzwa kandi isaza itaveeye nimbala.

Isaya 53:7

“Yaadambizwa, nukukubizwa ikivi navuzwa yikuzira mu liegehiza, siyaavoola likuva kali lilala mba. Kuli ligondi lihilangwa mukisinziru, kuli ligondi likiring'anaa lwa likalangwa uvwoya, siyaavoola likuva kali lilala mba.

Kyavalevi 1:3

Niiva ahaanaa ndala ku zing'ombe zizie kuva kuli kihanwa chu kusambwa, kuduuka ahaane igiriki itaveeye nimbara. Alageleeta ha vwingiliru wi Lihema liu kuvuganira mu YAHOVA, kunangwa Yahova aduuki kumuvugilira.

Kyavalevi 4:28

maku yaho lwu uvwoni vwivwe vumanyikana, alahaana imburi isuveni vugira imbara, kigira uvwoni vwivwe vwa yakola.

Kyavalevi 5:6

kandi mutungu kigira uvwoni vwivwe vwa yakola, kuduuka aleete ku Yahova kememe kisuveni chi ligondi anoho imburi kuli kihanwa chu uvwoni. Musaalisi alahaana kisiuviriru zana yicho kwogiza uvwoni vwu mundu oyo.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 1:36

Lwa yalora Yeso navitaa, yavoola, “Henza! Uyu niye Mwana wi Ligondi lia Nyasaye.”

Vafeso 5:27

aduuki kwenyolera likanisa liu vukumi litaveeye nimbara anoho makunya anoho kindu kidamanu kuli yivi.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

Vahebraina 9:14

Kigira yaga gaveeye agiligali masahi ga Kristo galakola miyinzi minene ligali. Kuvitira mu Roho wi mihiga ni mihiga, yihaana mwene kuli kihanwa kiduukiru ku Nyasaye. Amasahi geege galakatakase zing'anagani ziu mu mioyo jietu kutura ku miima jitaduukanaa kunangwa kuduuki kutumikira Nyasaye oveeye mwoyo.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.