Kyavalevi 4:25 - KITABU KITAKATIFU

²⁵ Musaalisi aliina kedete chiche mumasaahi gi kihanwa chu vwoni nokugavaka ku zinziga ziu uvwali. Alasundula masahi gatigalaa ku vwaaliru vwu uvwali vwukusamba ku vihaanwa.

Kyavalevi 4:25 Iomraidhean Croise

Kutwula 29:12

Uvuguli ku masahi gi igiriki ugaviiki ku zinziga ziu vwali na utumikiri ekedete chicho, kandi uvuguli amasahi gatigaye ugasunduli ha vwikaliru hu vwali.

Isaya 40:21

Munyi mukikiri kumanya? Munyi mukikiri kuhulira? Munyi mukikiri kovolerwa kutura mu litanga? Mukikiri kumanyiriza kutura lirova nililombwa?

Kyavalevi 16:18

Kuduuka azie ku uvwali, kuhaana kihanwa chu kusambwa nu kuvutakasa. Gamudukira avuguli malala ku masahi gi giriki na gi mburi, nukugavaka ku zinziga ziu uvwali.

Kyavalevi 17:11

Livamwoyo lia vuli kelombe liveeye mu masahi, na yiki nicho chagira Yahova nalaga ndi amasahi goosi gasundulwi ku uvwali kutulizaho uvwoni vwa avandu. Amasahi gaveeye livamwoyo, gakunikaa uvwoni.

Kyavalevi 4:18

Alaviika malala ku masahi yago ku zinziga ziuku vwali vwi kimuli ovoveeye mu Lihema. Alasundula masahi gatigaye goosi ku lwaalo lwu uvwali vwi kihanwa chukusambwa ovoveeye ha vwingiliru hi Lihema.

Kyavalevi 4:24

Alaviika mukono gwigwe mulungi ku mutwi gwi imburi zana, alagisinziri kolovega lwi ivaale uvwali ahi mitugu chu kusambwa jitirwa imbiri wa Yahova. Keveeye kihanwa chu uvwoni.

Kyavalevi 4:30

Musaalisi aliina kedete chiche mu masahi gi imburi zana nokugavaka ku zinziga ziu uvwali. Alasundula masahi gatigaye ku lwaalo lwu uvwali vwi kihanwa chukusambwa.

Kyavalevi 4:34

Musaalisi aliina kedete chiche mumasaahi gu mutugu nukugavaka ku zinziga ziu uvwali. Alasundula amasahi gacho gatigaye goosi mu vwaaliru vwu uvwali.

Kyavalevi 4:7

Musaalisi alavugula ku masahi nukugaviika ku zinziga ziu uvwali ahukusambira kimuli mu Lihema. Alasundula masahi gatigaye goosi ku uvwaliru vwu vwukusambira ku visiuviliru, ovoveeye mu vwingiliru vwi Lihema.

Kyavalevi 5:9

Aluuha malala ku masahi galio kundulu kwu uvwali. Alatahiza masahi gatigaye goosi mu lwaalo lwu uvwali. Yiki keveeye kihanwa chu kwogiza uvwoni.

Kyavalevi 8:10

Kunangwa Musa yavugula maguta gukwivaka, naviika ku Lihema liu kuvuganilamu na Yahova ni vindu viosi viali mu, yavigasiza nukuvitakasa vive via Yahova.

Kyavalevi 8:15

Musa yaasinza igiriki zana, ma navugura malala ku masahi gayo, nekedete chiche nagavaka ku zinziga zie zimbega ziosi ziu uvwali kuvutakasa. Yamanya naasundula masahi gatigala ha lwaalo lwu uvwali. Munzira yiyi yavutakasa kigira vutumiki vwa Yahova.

Kyavalevi 9:9

Avayaayi veve vamuleetera masahi, naye yiina mu kedete chiche naviika malala ku zinziga ziu uvwali. Yasundula masahi gatigala mu lwaalo lwuvwaali.

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Vahebraina 2:10

Vwali vulahi ndi, Nyasaye, umulombi numulindi wi vindu viosi, aduuki kokora Yeso kuva muduukiru ligali kuvitira muvusaliri, kunangwa aleete avana vanyingi kusanga mu vukumi vwivwe. Yeso niyie uvimiliraa kuduuka ku vohonyi.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.