Biblia Todo Logo
Bìoball air-loidhne

- Sanasan -




Kyavalevi 4:21 - KITABU KITAKATIFU

21 Maku alahila vidonye vitigaye vie igiriki zana ichova wa hokososa na avisambiri yo, kuli asambaa igiriki ihaanwa kigira uvwoni vwivwe mwene. Yiki ni kisiuviriru chu kwogiza uvwoni vwa avandu.

Faic an caibideil Dèan lethbhreac




Kyavalevi 4:21
18 Iomraidhean Croise  

Avandu vosi avaari nivirani kutura mu vuhambe valeta vihaanwa viu kusambwa kuli visiuviliru ku Nyasaye wa Isiraeli. Vahaana zigiriki komi na mbiri kigira vandu va Isiraeli vosi, magondi makore tisaini na sita kandi vimeme sabwini na saba. Vahaana zimburi 12 kuva kuli kihanwa chu kwitakasa uvwoni vwavo. Yivi viosi viali vihaanwa viu kusambwa kuli kisiuviriru ku Yahova.


Navuzwa usambiri inyama yi igiriki, ekesero chayo, harara na mara gayo ichova wa hokososa. Yiki ni kihanwa chu kutuliza uvwoni vwa vasaalisi.


Kulidiku liu kutanga lie Lisavo mwamihi munene gamuduukira ahaane kemoli kigiriki keve kuli kisiuviriru kigira vwoni vwivwe umwene kandi kigira uvwoni vwavandu vi kivala cha Isiraeli.


Niyakamara kokora ndio, alasinzira avandu imburi ekole yikihaanwa chu uvwoni kandi alaleeta masahi gayo havundu hatakatifu ligali nukuguuha ku kikuniku kandi imbiri wi Lisandugu lia malago kuli yakola na masahi gi giriki.


Alaviika makono geege gombi ku mutwi gwi imburi eveeye mwoyo nokwiyamira kuyo vwoni vwosi, kandi uvwibaali vwosi vwa avandu va Isiraeli, na alavuvika ku mutwi gwi imburi yeyo. Maku imburi zana ilakungwa izie mwigendanyama nu mundu uva natovoleywe kokora muyinzi yigwo.


Igiriki ni imburi, viatumikirwa kigira kihanwa chu uvwoni, via masahi gavio galeetwa havundu Hatakatifu ligali kutuliza ho uvwoni, vilahirwa chova wa hokososa nu kusambwa. Kesero, inyama na mala vilasambwa.


Niiva navandu vosi va Isiraeli vaakora vwoni, nukugwa avahioli ku livunanyia lilala ku malago ga Yahova yavaha vugira kusaavira;


Musaalisi munene oyo alakola ku igiriki yiyi kuli akolaa ku igiriki yi kihanwa chu uvwoni. Munzira yiyi, musaalisi alahaana kisiuviriru chu vwoni vwavo, na avandu yavo valasamifwa.


Ahene yaho alatuliza zinguvu zizie nukwivika zinguvu zindi, kandi alagiinga ligoke nukulihila ichova wa hokososa havundu haveeye halahi kolondekana nu muruka gwi idini.


Vihaanwa viosi viuvuswage viumusaalisi ahaanaa vilasambwa viosi. Sivilaliivwa mba.


Yavugula igiriki yaatigara yoosi, harara ne kesero, inyama yayo, nivindu viumunda komeeda ku mala naavisambira ichova wa hokososa kuli Yahova yaali nalagi.


kandi niiva yaga galakolwa vugira vandu kumanya, maku valahaana igiriki esoleri eve kuli kihanwa chu kusambwa, keveeye ni lifwunya liu mwayu mulahi guyaanzizaa Yahova. Mulahaana harara ni kihanwa chu vuswage kandi kihanwa chiwaini. Komeedaku, mulahaana kandi imburi ekole eve kuli kihanwa chu vwoni.


kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”


Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.


Musaalisi Munene Wavayuda yaleeta amasahi gi zinyama Havundu haveeye Hatakatifu ligali kugahaana kuli kisiuviriru chu vwoni; navuzwa miviri ji zinyama jasaambirwa ichova wa ahokososa.


Lean sinn:

Sanasan


Sanasan