Kyavalevi 3:2 - KITABU KITAKATIFU

² Mundu zana alaviika mukono gwigwe mulungi ku mutwi gwi kihanwa chiche na alagisinzira ha vwingiliru vwi Lihema liu kuvuganira mu na Yahova. Kunangwa, avasaalisi, avayaayi va Haruni valuuha masahi gayo mu zimbega ziosi zine ziu uvwali.

Kyavalevi 3:2 Iomraidhean Croise

Kutwula 29:10

“Oleete igiriki imbiri wi Lihema Liukuvuganira mu, na ovoolere Haruni na vayaayi veve vaviiki amakono gaavo ku mitwi jaavo.

Kutwula 29:11

Usinziri igiriki imbiri wange ha vwingiliru hi Lihema Liukuvuganira mu.

Kutwula 29:15

“Uvuguli lilala ku magondi mamigu, ma ovoolere Haruni na vayaayi veve vaviiki amakono gaavo ku mutwi gwalio.

Kutwula 29:16

Usinzi ligondi yili ma uvuguli amasahi galio wuhi ku zimbega ziosi ziu vwali.

Kutwula 29:19

“Uvuguli ligondi lindi limigu, Haruni harara na vayaayi veve na vaviiki amakono gaavo ku mutwi gwalio.

Isaya 53:6

Kunyi kwosi kuli magondi agaali nigagota, kandi vuli mulala ku kunyi nazizaa kunzira yeye mwene. Navuzwa Yahova yamudwika amageri, amageri aga kunyi aveene kwadukana koheevwe.

Kyavalevi 1:11

Alachitira imbiri wa Yahova ko lovega lwa ivaale, wu uvwali. Musaalisi naye aluuha masahi gacho ku zimbega ziosi zine zikumberizaa uvwali.

Kyavalevi 17:3

mundu woosi wa Isiraeli uhaana kihanwa cheng'ombe anoho kememe chi ligondi, anoho imburi hokososa anoho ichova wa hokososa,

Kyavalevi 17:4

muvogono vwo kokeleeta ha vwingiliru vwi Lihema liukuvuganira mu na Yahova, aduuki kukihaana kuli kihanwa imbiri wi Lihema lia Yahova, mundu oyo alavalizwa kuva nilihiolo liukutahiza masahi, na alatulizwa hagati ha avandu veve.

Kyavalevi 3:3

Kutura ku kihanwa chi mirembe zana, alahaana vidonye vie kisiuviriru yivi ku Yahova: itinya yoosi eveeye ku vindu viumunda viosi,

Kyavalevi 3:8

alaviika mukono gwigwe mulungi ku mutwi gwalio, ma alisinziri havwingiliru vwi Lihema liu kuvuganira mu na Yahova. Avasaalisi valuuha masahi galio kuzimbega zine ziosi ziuvwali

Kyavalevi 8:22

Maku, Musa yaleeta ligondi limigu liakaviri liukutakasa avasaalisi. Haruni harara na vayaayi veve vaviika makono gaavo ku mutwi gwalio.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Livalidza 18:17

Navuzwa zing'ombe ziukutanga anoho amagondi ni zimburi siulilana kuvigula kandi mba. Yivi viosi viveeye viange kuduuka vihanwe kuli kisiuviriru. Uvisinzi na wuhi masahi gazio ku vwali ma usambe zitinya ziavio kuli kihanwa chi viukulia, kiveeye lifunya liu mwayu kuinzi.

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 3:26

Kunangwa, Nyasaye yatovola mutumikiri weve naamutuma kutanga ku munyi amugasizi ku likora samulala ku munyi agirung'ane kutura muzinzira zizie ziu vudamanu.”

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.