Kyavalevi 26:9 - KITABU KITAKATIFU

⁹ Ndamugasiza kandi ndamuha avana avanyingi. Ndasingiliza nokudinyiliza lilagana liange lia ndalomba nimunyi.

Kyavalevi 26:9 Iomraidhean Croise

Litanga 1:28

Yavagasiza kandi navavoolera, “Mwivulane kandi mumedeke na mwizuli lirova kandi mu liamihi kandi mwamihi zisuzi kandi vilombe viosi viu mu mazi; manyonyi goosi gu mu ligulu kandi ku lirova, vimolaa ku lirova, mitugu kandi zinyama ziosi ziu muvulimu.

Litanga 17:20

Inzi mali kuhulira lienya liilio kigira Ishimaeli, kunangwa ndamugasiza kandi ndamuha avana vanyingi kandi visukululwi vinyingi. Alakave baba wa avami 12 kandi ndakakole visukululwi vivie kuva ihiiri enene.

Litanga 22:17

Inzi ndagaa ndi ndakakohe visukululwi vinyingi kuli zing'ereng'ani ziu muligulu anoho muyeke gwu kunyanza. Visukululwi vivio vilakaguuti nukuvugula miandu ja madaala ga vasigu vaavo.

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Litanga 28:3

Nyasaye Wuvunyali ayaanze akugasizi kandi wivuli avana vanyingi, kunangwa uduuki kuva baba wi zihiiri zinyingi!

Litanga 48:4

Yambolera, ‘Inzi ndakuha lwivulu lwa vana vanyingi, kunangwa visukululwi vivio navive zihiiri zinyingi. Ndahaana kivala yiki ku visukululwi vivio keve miandu jaavo mihiga ni mihiga.’ ”

Litanga 6:18

navuzwa inzi ndakalombe lilagana na ivi. Kandi ulakazie muliato nu mukali woovo, navayayi vovo kandi navakari vaavo.

1 Avami 3:8

Inzi mbeeye hano hagati ha avandu va ivi wamala kotovola kuva avoovo vene, avandu vaveeye vanyingi ligali muno kali vatavula kuvalizwa.

2 Avami 13:23

Navuzwa Yahova yaali mulahi kuvo kandi navavererera. Siyavaleka vadivizwi mba, navuzwa yavakonya kigira lisuuviriza lilie ku Aburahamu, Isaka na Yakobo. Akiri kwivilira avandu veve kali hakuzu.

Nehemia 2:20

Ndaativura, “Nyasaye wu mwigulu ala kokoonya. Kunyi koveeye avatumikiri veve, na kuziiza kutanga uvwumbaki. Navuzwa munyi simuveeye ku nikidieli anoho vulungi kwenya miandu mu Jerusalemi mba, kandi simuveeye ni lisanga mu miima jalio mba.”

Nehemia 9:23

Ivi wavaha avana vanyingi kuli zing'ereng'ani mu vwerefu. Kandi noleka vaguute nokomenya mu kivala icha waali nuwasuuviriza avaguuga vaavo ndi ulavaha.

Zaburi 107:38

Yahova yagasiza avandu veve ni vameedeka mu livulana ligali; kandi mitugu jaavo jameedeka ligali.

Zaburi 89:3

Ivi wavoola, “Mali kolomba lilagana liange nu mutumikiri wa Inzi mwene ndaatovora; kandi mali kusuuviriza mutumikiri wange Daudi nokovoora,

Kutwula 1:7

Navuzwa vandu va Isiraeli viivulana nivagwa avanyingi ligali, kandi vizingulu ligali ma niviizura mu kivala cha Egebeti.

Kutwula 2:25

Nyasaye yalora linyang'ana lia vandu va Isiraeli mu vutugwa kandi yavahendera mwoyo.

Kutwula 6:4

Ndaalomba lilagana liange navo kandi, niimbasuuviriza kuvaha kivala cha Kanaani, kivala cha vamenya mu kuli avageni.

Isaya 55:3

“Muhulirizi kalunu munyi avandu vange, na muuzi ku inzi; muuzi ku inzi; na mulava ni livamwoyo! Ndalomba lilagana lihindiraa mihiga ni mihiga ni munyi, kandi ndamuha uvugasu vwa ndasuuviriza kuhaana ku Daudi.

Jeremia 23:3

Inzi ndavungiza avandu vange vandi avatigara kutura muvivala wandaali nimali kuvasalanyira, kandi ndavilanyia mukivala chavo. Navave nulwivulu lunyingi nokomedeka.

Jeremia 23:4

Inzi ndatovora aviimiliri vaza kuvaliindi. Avandu vange sivalatia anoho kutihizwa mba, na sindavaha amageri kandi mba. Inzi, Yahova mali kovora.”

Jeremia 33:3

“Waniri ku inzi, na inzi ndakutivulira. Ndakovolera vindu vinene ligali kandi viaviswa via ivi utamanyi mba.

Ezekieli 16:62

Inzi nanombe uvuhia Lilagana Liange ni munyi, kandi na mumanyirizi ndi inzi mbeeye Yahova.

Ezekieli 36:9

Inzi mbeeye harara ni munyi, na kuduuka mulalima milimi jinyu kandi mulataga.

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Luka 1:72

Yavoola alaveera avaguuga viitu zimbavasi nukwizuliza lilagana lilie litakatifu.

Kwidzulitsa 28:11

Yahova alamuha avana vanyingi, zing'ombe zinyingi, ni viamo vinyingi mu kivala cha Yahova Nyasaye winyu yasuuviriza kuhaana ku avaguuga vinyu.

Kwidzulitsa 28:4

“Yahova alamugasiza na avana vanyingi, niviamo vinyingi kandi ni mitugu je zing'ombe na magondi manyingi.

Kwidzulitsa 7:13

Alamuyaanza kandi alamugasiza, kunangwa mu meedeke mu vunyingi vwi livaliza lienyu kandi mulivula avana avanyingi. Alagasiza milimi jinyu, kandi mulagesa vuswage, iwaini na maguta ga muzeituni. Alamugasiza ni limeedeka kulimuha zing'ombe zinyingi na magondi Alamuha vugasu yivu vwosi mu kivala cha yasuuviriza avaguuga vinyu ndi alamuha.

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.