Kyavalevi 26:6 - KITABU KITAKATIFU

⁶ “Ndahana mirembe mu kivala chienyu kandi mulagona vugira kutia umundu woosi. Ndatulizaho zinyama ziuvuhimwa mukivala zana, kandi si halava ho nuvulwani kandi mba.

Kyavalevi 26:6 Iomraidhean Croise

2 Avami 2:24

Vahaanzuka ni vavoola, “Tula hano vwangu, ivi wu gwavuusu! Tula hano ivi wu gwavuusu!” Elisha yagirungana navuumika kandi navalaama mu lieta lia Yahova. Ahene na hene yaho, ziduba zingali ziviri ziatula mu mulitu ni zitandulanyia avayaayi arubaini na mbiri kuvo mu vidonye.

1 Kyetsinyinga 22:9

Navuzwa yanombera lisuuvirizwa. Yavoola, ‘Ulivuula muyaayi uliamiihi mu mirembe, kigira ndakamuhe mirembe kutura ku avasigu veve vosi. Lieta lilie lilakave Solomoni, kigira mu ing'inga yi liamiiha lilie, alakahe Isiraeli mirembe no vosoosi.

2 Kyetsinyinga 20:30

Kunangwa, mwami Jehoshafati yamiha mu mirembe, kigira Nyasaye weve yamuha ovososi ku zimbega ziosi.

Ayubu 11:19

Siulava nuvuti kigira vasigu vovo mba: Avandu vanyingi valakoteeva ovokonyi.

Ayubu 5:23

Milimi ja mulimaa sijilava mu na magina mba; zinyama ziumbulimu sizilakwingilira kali hakuzu mba.

Zaburi 144:14

Zing'ombe zietu ziivulane muvunyingi ligali vugira lilogosa anoho uvudinyu, kandi litavaho ni lilira lie linyang'ana mu madaala giitu mba.

Zaburi 147:14

Akolaa zinzako zizio kuva ni mirembe, kandi akwigutizaa ni ingano indahi ligali.

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 3:5

Ng'onaa hasi ma zindoolo ziza; na Yahova Nyasaye yasoolaa uvudiku vwosi.

Zaburi 4:8

Lwa ng'onaa hasi, nyooraa zindoolo mu mirembe; Ive weng'ine, O, Yahova ombezaa likingwa lilahi.

Zaburi 85:8

Mbulirizaa ku aga Yahova Nyasaye avoora; asuuvirizaa kuhaana mirembe ku kunyi, avandu veve vene, niiva sikulirana kuzia mu zinzira zietu ziuvusiru.

Kutwula 23:29

Sindavakunga vuzwa mu ing'inga yu muhiga mulala mba; Niiva ndakakoli ndio, kivala chakatigaye vuzwa mang'anye kandi zinyama ziu mbulimu ziakaveeye zinyingi ligali ku munyi.

Tsing'ano 3:24

Siulatia lwa uzia kogona mba, ulagona vulahi ligali mu vudiku vwosi.

Tsing'ano 6:22

Amigizu gaavo galakwimilira lwa ogendaa, galakukinga mu vudiku, kandi galakuha zing'anagani mu ing'inga yu mbasu.

Isaya 35:8

Halakaveho ninzira enene ilangwa, “Inzira yu Vutakatifu.” Umundu mwoni sialakagende kunzira yeyo mba; kandi mundu musiru sialimilira avandu valonda kunzira yeyo nu kuvagotiza mba.

Isaya 35:9

Zisimba si zilakave havundu yaho mba; zinyama zinduru si zilavitira kunzira yeyo mba. Yavo ava Yahova yasoola, nivo avaligenda kunzira yeyo nukuzia yengo.

Isaya 45:7

Ndaalomba uvulavu kandi kisundi, ndeta uvugasu kandi ikivi. Inzi, Yahova, ngolaa vindu yivi viosi.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 30:10

“Avatumikiri avandu vange Isiraeli, mutatia mba; avandu va Isiraeli, mutatiihizwa mba. Ndamusoola kutura mukivala chi ihale yicho, kutura mukivala chamuveeyemu avahambe. Munyi na mulirana yengo kandi namumenye mumirembe; munyi na mukingwi, umundu kali mulala sinaamutihizi mba.

Jeremia 31:26

Kunangwa avandu valakavoole, ‘Inzi ndaazia kogona ma nimbuka nimbeeye nizinguru.’

Ezekieli 14:15

“Anoho niiva nyara kutuma zinyama ziu muvulimu kwita vandu, nokokola kivala kuva chere chu mundu avula kuvitira mu.

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 34:25

Ndakalombe lilagana liange navo liu kuvasuuviriza mirembe. Ndakatulizi mu kivala zinyama ziosi ziu vuhimwa, kunangwa magondi gange galamenya mu milimi kandi kogona mu militu mu mirembe.

Ezekieli 34:27

Misaala jilakame makuyu, milimi jilakame vitagwa, kandi vuli mundu alakamenye mu mirembe mu kivala chiche mwene. Lwa nambunanye minyororo ja vandu vange nu kuvavoholola kutura ku yavo avavakola avatugwa, maku navamanye ndi, Inzi mbeeye Yahova.

Ezekieli 5:17

Ndaleta inzara kandi zinyama ziu muvulimu kwita vana vinyu, kandi ndaleta uvulwaye, kilage kandi iliihi kumwita. Inzi Yahova mali kovora.”

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Kyavalevi 25:18

Kunangwa mulalonda malago gange na miigizu geege goosi nukugakola na mulamenya nimirembe mukivala.

Kyavalevi 25:19

Kivala zana kilaama makuyu na munyi mulava navio viosi viamwenyaa mulie kandi mulamenya mu mirembe.

Kyavalevi 26:22

Ndatuma zinyama zinduru hagati hinyu na zilita avana vinyu kandi ziladiviza mitugu jinyu. Zilamukola mutigale avakeekeke ligali kali zinzira zienyu zilatigala zinzere.

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Kyavalevi 26:7

Mulava nuvuguuti ku avasigu vinyu;

Mika 4:4

Navutswa vandu vosi valamenya mu mirembe hagati he milimi je mizabibu jije ni misaala ji mikuyu, na sihalavaho nu mundu kali mulala unyala kuvatihiza mba. Yahova Wuvunyali umali kulaga yaga.

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Haggai 2:9

Litembeli lihia lilakave nu vukumi kuvita Litembeli likulu, kandi hene yaho ndakahaane ku vandu vange miandu kandi mirembe.” Yahova Wuvunyali umali kovora.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Vikolwa 12:6

Vudiku yivwo, Herodi nakikiri kutuliza Petero muvuhambe amuleete mu kiyaalo aduuki kuyaalizwa, Petero yaali naagoni hagati ha avasikari vaviri. Yaali navoheywi ni minyororo giviri, kandi avalindi vaali nivalindi vulahi kiliango chu muvuhambe.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.