Kyavalevi 26:5 - KITABU KITAKATIFU

⁵ Vitagwa vienyu vilava vinyingi ligali kali mulava nimukegesa vuswage, lweveeye ing'inga yukwagula mizabibu, kandi mulava nimuchaagula amazabibu lwing'inga iduuka yukutaga vuswage. Mulava navio viosi via mwenya kulia, kandi mulamenya mu mirembe mu kivala chienyu.

Kyavalevi 26:5 Iomraidhean Croise

Zaburi 144:13

Videera vietu viizule ligali ni ligesa lie zing'ano ziosi. Na amagondi gave mu milimi jietu giivulane zielefu makumi na makumi.

Zaburi 90:1

O, Yahova, ivi oveeye vomenyo vwitu mu makura goosi.

Kutwula 16:8

Maku Musa yavoola, “Ni Yahova ulimuha inyama ya mulia hamugorova kandi migadi josi kuli mwenya lidiku lia mugamba, kigira umali kuhulira lielilira lienyu. Lwa mwiliriraa ku kunyi, mwiliriraa ku Yahova.”

Tsing'ano 1:33

Navuzwa oyo umbuliriza alamenya mu likingwa. Alava mu mirembe vugira litihizwa liu vudamanu vwosi.”

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 1:19

Niiva muratia inzi, mulalia vindu vilahi vie kivala.

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Hosea 2:20

Ndamukora muve avandu vange mu vusuuvirifu kandi mulamanya ndi Inzi mbeeye Yahova.

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Joeli 2:22

Zinyama, mutatia mba. Uvwayiru vusivuki; misaala jamaa makuyu gajo, mikuyu na mizabibu jiveeye ho muvunyingi.

Joeli 2:26

Kalunu murava ni viukulia muvunyingi, kandi muliiguta. Mulizominya Yahova Nyasaye winyu, uwamukolera vindu viokogenyia. Avandu vange sivalachaywa kandi mba.

Amosi 9:13

Yahova avoora, “Madiku gaaza lwu vuswage vulamera nu kuviruka vwangu ligali kuvita lwa vogeswa. Makuyu galaviruka vwangu ligali kuvita lwiwaini inyala kolombwa. Vigulu viliidoloka iwaini enolu, nu tugulu twosi tulituruka iwaini yene yeyo.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Vikolwa 14:17

Navuzwa siyaleka kwelolekiza mwene ku likora amalahi. Amanyia uvulahi vwivwe na amukubizira imbura kutura mwigulu, amuhezaa ligesa mu mihiga jalio, amuhezaa viukulia nu ukwizuliza uvusangari mu mioyo jinyu.”

Kwidzulitsa 11:15

Alamuha kandi vunyasi mu milimi jinyu kigira mitugu jinyu. Mulava ni viukulia viosi viamwenyaa.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.