Kyavalevi 26:41 - KITABU KITAKATIFU

⁴¹ Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Kyavalevi 26:41 Iomraidhean Croise

1 Avami 21:29

“Ukaloli kuli Ahabu yegehizi umwene imbiri wange? Kigira umali kokora yaga, sindaleeta kivi kuye mu ing'inga yi livamwoyo lilie mba; galakave mu ing'inga yi livamwoyo liu muyaayi weve lwa ndileeta kivi ku vinyumba ya Ahabu.”

2 Kyetsinyinga 12:12

Na kigira yegehiza ku Yahova, uvutima vwa Yahova si vwamudiviza ligali mba, na kali ndio, ivindu ni liiva liazizagilira vulahi mu Ivuyuda.

2 Kyetsinyinga 32:26

Lwu kumaliriza Hezekia harara na vandu va Jerusalemi vegehiza ligali, nandio Yahova siyavaha amageri kuduuka inyima wi likuza lia Hezekia mba.

2 Kyetsinyinga 33:19

Lisaala liu mwami na mativuli ga Nyasaye kulio, kandi livaala liu vwoni vwa yakola nakikiri kwiganira, uvudamanu vwa yakola, havundu hukusigamira misambwa nivifananyi viu munyasaye wikikali Ashera ivia yalomba kandi ni misambwa ja yasigamira viosi viang'odwa mu vitabu via makuva ga kale ga Avaporofeti.

2 Kyetsinyinga 33:23

Amoni siyegehiza umwene imbiri wa Yahova, kuli baba weve Manase yegehiza mba, navuzwa, yaazizagilira kokora uvwoni kuvita ligali.

Ezara 9:13

Kali inyima wi vindu yivi viosi vimali kokoleka ku kunyi mu lihevwa mageri kigira uvwoni vwitu nu vudamanu vwitu koveeye ni limanya ndi, ivi Nyasaye wiitu, umali kuhaana mageri ku kunyi. Navuzwa uvwoni vwitu vwali uvunyingi ligali kuvita mageri ga kumali konyoora. Nitali mulikola yaga goosi, umali kuvugilira kunyi komenya.

Ezara 9:15

O, Yahova Nyasaye wa Isiraeli, ivi oveeye wi likalaga lirungi, kigira umali kuvugilira komenya. Kwiyama uvwoni vwitu ku ivi na sikoveeye nuvulungi kusingira imbiri woovo mba.”

Nehemia 9:33

Ivi wakola vulahi nu hana mageri ku kunyi, ivi waali musuuvirifu, kali niiva kunyi kwakora uvwoni,

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 6:10

Inzi ndaativura, “Ivwaha unyala kuhulira inzi niiva ndamoloma kuvo nukuviganihiza? Vaveeye avahindagirizi kandi vasuura kuhulira amakuva googo; vasekeriza aga ombolela mbavoolere.

Ezekieli 14:23

Maku ulakalole vikolwa viavo, kandi ulakamanye ndi ndaali nikivuni chukuhaana mageri kuvo.” Yahova Wuvunyali umali kovora.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Ezekieli 6:9

uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Kyavalevi 26:24

maku ndagirung'ana mbing'aane ni munyi kandi ndamuha mageri haali saba kigira uvwoni vwinyu.

Kyavalevi 26:28

maku, mu vutima vwange, ndamugirung'ana kandi ndakora amageri ginyu kuva amadamanu ligali haali saba kuvita maziambiri.

Livalidza 5:7

gamudukira yiyame uvwoni vwivwe vwamali kokora kandi gamuduukira atungi mitungu josi; kandi alameedaku kidieli cha katano kuhaana ku oyo wamala kokolera uvudamanu.

Matayo 23:12

Oyo wenenehizaa, alagehizwa; naye uwegehizaa alanenehizwa.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.