Kyavalevi 26:16 - KITABU KITAKATIFU

¹⁶ Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Kyavalevi 26:16 Iomraidhean Croise

1 Avami 8:37

“Lwa haveeye ni inzara mu kivala anoho maduywa, kinga kemeyi, anoho uvuguku anoho zisigi anoho zingungu; anoho lwa vasigu vakumbiriza madaala manene goosi, anoho lwi kivi kiduukaa anoho vulwaye nivuza hagati haavo,

Ayubu 18:11

Vindu viu kutihiza vimukumbirizi na vimulondeleraa zimbiru ahimbi nahimbi ku machi geege.

Ayubu 20:25

Uvuta vufudulanyi mu muviri gwigwe, esonga yavwo eng'ereng'anaa yavitira mu ingudumani yeeye; na yaali nuvuti vonene ligali.

Ayubu 31:8

hene yaho Nyasaye aleke avandu vandi valie viukulia viandataga, kandi vitagwa viu mu mulimi gwa viononywi ligali.

Zaburi 109:6

Otovole mukalagi mudamanu ayaalizi musigu wange, na oleke mulala ku vasigu veve mwene amuyaale.

Zaburi 73:19

Vaagwiyi nukwoneka nonoho; kandi vamali kugwa mu likuza liukutihiza ligali.

Zaburi 78:33

Kunangwa yaaheriza madiku gaavo kuli mwika, kandi livamwoyo liavo liahera nonoho kuturana nikivi.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Tsing'ano 3:33

Yahova kilaamo kuzinyumba zia vandu vakora vuchamu, navuzwa agasizaa zinyumba zia vandu vaveeye avalungi.

Isaya 10:4

Munyi mulakitilwi muvulwani anoho mulakahilwi kuli avahambe. Kali ndio uvutima vwa Yahova si vulahera mba, navuzwa alanyira mukono gwigwe kuhaana amageri ku munyi.

Isaya 62:8

Yahova umali kwisuuha nu mukono gwigwe mulungi kandi ku zinguru zizie ndi, “Inzi si ndahaana uvuswage vwinyu kuva chukulia ku vasigu vinyu mba, kandi avageni si valanwa iwaini yinyu mba.

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Jeremia 12:13

Avandu vange vaamiza ingano, navuzwa valakagese livaanze; vamali kuyinzira vudinyu, navuzwa sivanyoyeku kindu mba. Kigira vutima vwange vululu vitagwa viavo sivilakora vulahi mba.”

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Jeremia 15:8

Vaveeye ho avakunzakali avanyingi mukivala chienyu kali kuvita zinzaro ziu muyeke mu inyanza. Ndiita avasoleri vinyu mu vosooleri vwavo; kandi ningora avamama vaavo nivasalirizwa ligali Nonoho ndaavakuya vululu ligali kandi nindeeta litihiza kuvo.

Jeremia 20:4

Yahova mwene avooye, ‘Ndakokola ove mutiihizi ku avalina vovo vosi kandi ku ivi mwene, kandi avasigu vaavo valitirwa mu vulwani imbiri woovo. Nziza kuviika avandu vosi vi Ivuyuda mu vwamihi vwu mwami wa Babiloni; alavugula avandu valala avahili mukivala cha Babiloni kuli avahambe na avandu vandi alavita.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Ezekieli 24:23

Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Amosi 5:11

Kunangwa mumali kudambiza avadaka nu kuvanura vuswage vwavo. Kigira yaga, simulamenya mu zinyumba zindahi zia magina gavazwa zia mwumbaka, kandi simulanwa iwaini kutura ku mizabibu milahi ja mwasimika mba.

Mika 6:15

Mulataga vuswage, navuzwa simulakagese, mba mulamiina nukukamula amaguta kutura mu mizeituni, navuzwa simulanyora amaguta gu kwivaka mba. Mulamiina makuyu, navuzwa simulanwa iwaini mba.

Haggai 1:6

Mwamiza vuswage vunyingi, navuzwa ligesa lienyu liveeye likekeeke. Muveeye ni chukulia, navuzwa si kimuduukaa mba. Muveeye ni iwaini, navuzwa si muhambikaa mba! Muveeye ni zinguvu, navuzwa si zimuheza luya mba. Munyoolaa mitungu, navuzwa mujiviikaa mu zimuya ziafuduka.

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Kwidzulitsa 28:51

Valalia mitugu jinyu kandi viamo vienyu na munyi mulava ninzara kuduuka lwa mukuza. Sivalamulekela vuswage ku iwaini, maguta ga mizeituni, anoho magondi mba, kuduuka lwa mukuza.

Kwidzulitsa 32:25

Liihi lilaleeta likuza mu zinzira; litihiza linene lilavingilira mu zinyumba. Avayaayi na vakana valakuza; avana vadoto anaho avasaakulu sivalalekwa mwoyo mba.

Vahebraina 10:31

Keveeye kindu chu kutihiza ligali kugwa mu makono ga Nyasaye oveeye mwoyo.

Vakalagi 6:11

Maku engelosi wa Yahova yaza mu lidaala lia Ofura niyikara mumusaala gwa Joashi, umundu wihiiri ya Abiezeri. Umwana weve Gidioni yaali nahuuraa ingano havundu ahivisu hukukamululira iwaini kigira siyenya vandu va Midiani vamanye ahuuraa ingano mba.

1 Samweli 2:33

Nitali ndaviika mulala ku visukululwi vovo kuva mwoyo kandi alandumikira kuli musaalisi. Navuzwa alagwa mboku na akuze mwoyo, kandi visukululwi vovo vandi vosi valitwa ni kivavi.