Kyavalevi 23:3 - KITABU KITAKATIFU

³ Muveeye namadiku sita gamukolera mu miyinzi; navuzwa lidiku lia saba liveeye Lisabato liveeye lidiku liokososa lidiku yili. Mutakoli muyinzi kali mulala mba; navuzwa muvugane harara kusigamira inzi Yahova. Lisabato liveeye lia Yahova hoosi ha muva nimumenyi.

Kyavalevi 23:3 Iomraidhean Croise

Kutwula 16:23

naye yavavolera, “Yahova umali kulaga ndi, mugamba ni lidiku litakatifu liokososa, liviikiywi halovega kigira ye. Mwuminyi kalunu cha mwenya kwuminya kandi mudeeke cha mwenya kodeka. Choosi ikitigala kiviikwi halovega kuduuka mugamba.”

Kutwula 16:29

Mwizurizi ndi Inzi, Yahova mali kuhaana ku munyi lidiku liokososa, na nicho kigira ku lidiku lia sita ndamuha iviukulia vimuduuka ku madiku gaviri. Kunangwa mundu woosi alava vuzwa ahaveeye kulidiku lia saba vugira kutura hango hehe.”

Kutwula 16:30

Kunangwa avandu vasoosa kokora miyinzi kulidiku lia saba.

Kutwula 23:12

“Mulayinzira ku madiku sita ku lisiza, navuzwa mutayinziri ku lidiku lia saba mba, kunangwa avatugwa vinyu kandi avageni vamuyinziriraa, kali mitugu jinyu jiduuki kososa.

Kutwula 34:21

“Muveeye na madiku sita gokokoleramu miyinzi jinyu, navuzwa mutakoli miyinzi ku lidiku lia saba mba, kali mu ing'inga yililima anoho yiligesa.

Isaya 56:2

Ndagasiza ligali yavo avalindaa Lisabato na sivaliononyiaa mba. Ndagasiza yavo avatakola uvudamanu.”

Isaya 56:6

Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Kyavalevi 19:3

Vuli mulala ku munyi kuduuka ahuliri mama weve na baba weve, na kandi kuduuka alindi lisabato liange kuli ngulaga. Inzi mbeeye Yahova Nyasaye winyu.

Luka 13:14

Navuzwa munene wilisinagogi yavihilirwa ligali kigira Yeso yamuhonyia ku lidiku lie Lisabato. Kunangwa yavolera avandu vaali nivavugani ho, “Muveeye na madiku sita gokokolera mu miyinzi. Munyala kuuza mu madiku gene yago muhonywi vulwaye vwinyu, navuzwa mutaazi ku lidiku lie Lisabato mba.”

Luka 23:56

Kunangwa virana yengo, nivalomba vindu viafunya umwayu kandi maguta gu mwayu kigira muviri gwa Yeso. Ku lidiku lie Lisabato, vahonga kuli Lilaga lialaga.

Vikolwa 15:21

Kutura kale, malago ga Musa gilwazwa mu madaala goosi, nigasomwa mu masinagogi goosi madiku gi Lisabato goosi.”

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,