Kyavalevi 21:9 - KITABU KITAKATIFU

⁹ Niiva mukaana wu musaalisi aleyonogonyia ku liiva muheyi aviikababa weve mzisoni, ahaanaa zisoni ku baba weve, alasaambwa nu muliru kuduuka akuzi.

Kyavalevi 21:9 Iomraidhean Croise

Litanga 38:24

Ahimbi inyima wi mieli jivaga mundu yavolera Yuda, “Navizara woovo Tamara yakolangi vulaya, na kalunu yavereka.” Yuda yalaga, “Mumuhili ichova ma mumusambe kuduuka akuzi.”

Kutwula 31:14

Kuduuka mulindi lidiku lielisosa, kigira liveeye litakatifu. Mundu woosi uvula kulinda lidiku yili, navuzwa ayinziraa, adukanaa yiitwi.

Isaya 33:14

Avandu vuvwoni mu Ziyoni vadegera nuvuti vonene. Vavoola, “Likalaga lia Nyasaye liveeye kuli muliru gusambaa mihiga ni mihiga. Nivwaha ku kunyi unyala kohonokoka lomemo lusambaa kuli yilu?”

Ezekieli 9:6

Mwiti avasaakulu, avayaayi avasoleri kandi avakaana vasoleri, avakali kandi avana vakekeeke. Navuzwa mutadiiri ku mundu woosi oveeye ni kelolero ku vweni vwivwe mba. Mutangili hano mu Litembeli liange.” Kunangwa vatanga kwita aviimiliri vaali nivasingiyi ha Litembeli.

Kyavalevi 19:29

“Mutaviiki vakana vinyu mu zisoni kuvakola vave avaheye vu mulitembeli mba. Nimukora ndio mulagirung'ana kusigamira vanyasaye vandi na kivala kilizula voheyi.

Kyavalevi 20:14

Niiva umundu alaleeta mukali harara na mama weve, kuva avakali veve vosi vavaga kuduuka vasambwe nu muliru, vakuze, kigira ni kindu chi zisoni cha vamali kokora. Kindu kuli yiki sikilavugilirwa hagati hinyu mba.

Malaki 2:3

Ndakahaane mageri ku vana vienyu kandi ndakavake mu zimoni zienyu isingu yi mitugu ja muhaana kuli visiuviliru. Mulahilwa kutura imbiri wange nukuhirwa ku isiina.

Kwidzulitsa 22:21

hene yaho valahila mukaana zana ha kiliango chi inyumba ya baba weve, na avasaza vi lidaala lilie valamulasa magina akuze. Yamala kokora kindu chie zisoni hagati ha avandu viitu ku likolera ovoheyi munyumba ya baba weve, nakikiri kuzia lukali. Munzira yiyi mulatuliza uvudamanu yivu hagati hinyu.

Tito 1:6

Mukulundu wi likanisa kuduuka ave musaza utaveeye nimbara kuye. Kuduuka ave musaza wu mukali mulala, kandi kuduuka avana veve vave avasuuviri avataveeye ni kirage anoho vatatizaa malago;

Joshua 7:15

Uyu otovolwa na anyoleke naveeye nivindu viakalagirwa alasaambwa harara na vandu vinyumba yeeye kandi nivindu vivie viosi viaveeye navio, kigira umali koleta zisoni ku Isiraeli kandi umali kuvunaga Lilagana liange.’ ”

Joshua 7:25

Joshua yavoola, “Kigira ki oleeti kivi yiki choosi ku kunyi? Yahova alaleeta ikivi ku ivi mwene kalunu!” Avandu vosi vamulasa na magina nakuza kandi valasa vandu vinyumba yeeye na magina kandi nivavasamba harara ni miandu jije josi.

1 Samweli 2:17

Uvwoni yivu vwa vayaayi va Eli vwali vudamanu ligali mu zimoni zia Yahova, kigira vavura kuhaana luyali ku vihaanwa via Yahova.

1 Samweli 2:34

Lwa vayaayi vovo vombi, Hofini na Finiasi vakuza ku lidiku lilala, yiki kilava kelolero kukumanyia ndi goosi aga mali kovora galadukizwa.