Kyavalevi 2:9 - KITABU KITAKATIFU

⁹ Musaalisi alavugula kedonye chagwo kuli chukwizulizira ku kumanyia ndi choosi kimali kuhaanwa ku Yahova, kandi alakisambira ku uvwali. Lifunya mwayu lie kihanwa chi chukulia yiki liveeye liu kuyaanziza ku Yahova.

Kyavalevi 2:9 Iomraidhean Croise

Kutwula 29:18

Usambiri iligondi yili ku vwali kuli ikihaanwa chukusambwa. Umwayu gwi kihanwa yiki gunyaanzizaa.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Kyavalevi 2:16

Musaalisi alasamba kedonye chu kwizuliza chu vuswage chasievwa, na maguta ga muzeituni kandi harara ni kimuli choosi, keveeye kihanwa chu kusambwa ku Yahova.

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Kyavalevi 2:8

Gaduukanaa agoleete kuli kihanwa ku Yahova, ma akihaane ku musaalisi umanya akihili ku uvwali.

Kyavalevi 24:7

Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi.

Kyavalevi 4:31

Alatuliza itinya yayo yoosi, kuli itinya yi vihaanwa vie mirembe. Alagisambira ku uvwali kunangwa lifunya mwayu gwayo guduuki kuyaanziza Yahova. Nandio, Musaalisi alahaana kisiuviriru kigira uvwoni vwu mundu uyu, kandi alasaamifwa.

Kyavalevi 5:12

Alavoleeta ku musaalisi umanya avuguli luhi lulala kuvwo kuli kihanwa kihaaniywi ku Yahova, na alavusambira ku vwali kuli kihanwa chi viukulia. Yiki keveeye kihanwa chu kutuliza vwoni.

Kyavalevi 6:15

Musaalisi alavugula luhi lulala lwu vusie vunyuki vwi kihaana, na maguta, kandi kimuli choosi keveeye ku kihanwa chuvuswage, alakisambira ku vwali kuli kidieli chukwizuliza ndi choosi kihaaniywi ku Yahova. Lifunya lie kihanwa yiki lilayaanziza Yahova.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Livalidza 5:26

Maku musaalisi alavugula kihanwa chu vuswage yiki kuluhi keve kuli lizuliza ma akisambiri ku vwali, na niyakakola ndio, alanwehiza mukali uyu mazi zana yaga.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vafilipi 4:18

Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.