Kyavalevi 2:4 - KITABU KITAKATIFU

⁴ Niiva kihanwa zana keveeye mugadi gwuminyirwa mu lijiiko, kuduuka gove vugira mamera. Kuduuka gove mugadi mulitu gwu vusie vwazuganywa mu na maguta ga muzeituni anoho ivisikuti viavakwa maguta ga muzeituni.

Kyavalevi 2:4 Iomraidhean Croise

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Kutwula 12:8

Vudiku yivwo, zinyama kuduuka zisambwe, maziliivwi ni zinguza zinduru kandi nu mugadi gutaveeye mu na mamera.

Kutwula 16:31

Avandu va Isiraeli valanga chukulia zana mana. Chafwanana kuli uvuguza vokekeeke uvulavu, vwali kuli visikuti vialombwa nu vwuki.

Kutwula 29:2

Tumikira uvusie vulahi vwi ingano, uvutaveeye na mamera, olombe umugadi kandi zikeki izizuganyiywi mu amaguta, izindi zitaveeye mu na maguta na nizindi uzilombe kuli ivisukuti ivivakiywi ku amaguta.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Ezekieli 46:20

navoora, “Yaaha niho havundu ha vasaalisi vadekera inyama yahaanwa kuli visiuviliru kigira vwoni anoho kuli isadaka ya mahiolo, kandi vadekera isadaka yi kihanwa chu vusie kunangwa si kilava ho kindu kitakatifu kigingwa kuduuka mu mugizi gwi ichova vakinyala kusaliliza avandu.”

Kyavalevi 1:11

Alachitira imbiri wa Yahova ko lovega lwa ivaale, wu uvwali. Musaalisi naye aluuha masahi gacho ku zimbega ziosi zine zikumberizaa uvwali.

Kyavalevi 10:12

Musa yavolera Haruni harara na avayaayi veve avatigara, Elieza na Izamara, “Muvuguli kihanwa chu vuswage kitigaraa ku vihaanwa vie viukulia vihaanwa ku Yahova numuliru, mulombe migadi jitaveeye mu na mamera, mu jiliili himbi nu uvwali kigira kihanwa yiki keveeye kitakatifu ligali.

Kyavalevi 6:17

Sivalalombela mu mamera mba. Mali kuvaha keve kuli kidieli chavo chi kihanwa chu kusambwa. Keveeye kitakatifu ligali kuli kihanwa chu uvwoni kandi kuli kihanwa chilihiolo.

Kyavalevi 7:12

Niiva mundu alahaana kihanwa yiki kuli kihanwa chi lisandiza ku Nyasaye, hene yaho, alahaana harara nu mutugu guhaanwa, kuli kisiuviriru mugadi gutaveeye mu na mamera uguzuganyiywi mu na maguta ga muzeituni, visikuti vivakiywi maguta ga muzeituni, anoho viabati vitaveeye mu namamera vivakiywi maguta ga muzeituni, anoho zikeki zialombwa ku vusie vunyuki zizuganyiywi mu namaguta ga muzeituni.

Livalidza 6:15

Kandi alahaana kihinda chu vukima vutali na mamera; uvukima vwu vusie uvunyuki vwazuganywa amaguta, visikuti viavakwa maguta, kandi kihanwa chu vuswage ni iwaini.

Matayo 26:38

navavoolera “Mbeeye no vovereri ovonene ligali mu mwoyo gwange, kali kuduuka ku likuza. Mwikale hano mulindi harara ninzi.”

Yohana 12:27

“Kalunu mwoyo gwange gohendaa. Nambole ki? Mbore, ‘Baba, ombonyie ku ing'inga yu vusaliri yiyi?’ Awa, kigira yiki nicho chagira inze ninziza kunangwa nduuki kuvitira mu ing'inga yu vusaliri yiyi.

Yohana 3:34

Uyu wa Nyasaye yatuma amolomaa amakuva ga Nyasaye, kigira Nyasaye amuhezaa uvudukiru vwa Roho weve vugira kegero.

Vahebraina 7:26

Yeso niyie Musaalisi Munene ukuduukaa mu lienya lietu. Aveeye mutakatifu; utaveeye nuvudamanu, anoho vwoni muye; utaveeye nimbala mba, umali kwahulwa kutura ku voni, kandi wanenehizwa igulu ligali.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

1 Petro 2:22

Siyakola uvwoni, kandi siyanyooleka nu vugadi kutura mu munwa gwigwe mba.