Kyavalevi 2:16 - KITABU KITAKATIFU

¹⁶ Musaalisi alasamba kedonye chu kwizuliza chu vuswage chasievwa, na maguta ga muzeituni kandi harara ni kimuli choosi, keveeye kihanwa chu kusambwa ku Yahova.

Kyavalevi 2:16 Iomraidhean Croise

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Kyavalevi 2:12

Kihanwa chukutanga chi ligesa kilaleetwa ku Yahova vuli muhiga, navuzwa kitasaambwa ku uvwali mba.

Kyavalevi 2:14

Lwa uleeta ku Yahova kihanwa chu vuswage vwi ligesa liukutanga, haana vuswage vukalangiywi anoho vusie vusieyeywi.

Kyavalevi 2:15

Ulameeda ku maguta ga muzeituni kandi kimuli.

Kyavalevi 2:9

Musaalisi alavugula kedonye chagwo kuli chukwizulizira ku kumanyia ndi choosi kimali kuhaanwa ku Yahova, kandi alakisambira ku uvwali. Lifunya mwayu lie kihanwa chi chukulia yiki liveeye liu kuyaanziza ku Yahova.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.