Kyavalevi 2:1 - KITABU KITAKATIFU

¹ Lwu mundu woosi aleetaa ku Yahova kihanwa chu vuswage, kuduuka kutanga asie vusie vunyuki ligali. Alaviika ku maguta ga muzeituni ni kimuli

Kyavalevi 2:1 Iomraidhean Croise

Kutwula 29:2

Tumikira uvusie vulahi vwi ingano, uvutaveeye na mamera, olombe umugadi kandi zikeki izizuganyiywi mu amaguta, izindi zitaveeye mu na maguta na nizindi uzilombe kuli ivisukuti ivivakiywi ku amaguta.

Isaya 43:23

Simwandetera vihaanwa vienyu viu kusambwa via magondi; simwamba uluyali nivisiuviliru vienyu mba. Sindamudwika misigo miliduhu ku limuniga mundeetere vihaanwa mba, anoho kumuluhiza ku limuteeva kimuli mba.

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Ezekieli 46:20

navoora, “Yaaha niho havundu ha vasaalisi vadekera inyama yahaanwa kuli visiuviliru kigira vwoni anoho kuli isadaka ya mahiolo, kandi vadekera isadaka yi kihanwa chu vusie kunangwa si kilava ho kindu kitakatifu kigingwa kuduuka mu mugizi gwi ichova vakinyala kusaliliza avandu.”

Joeli 1:9

Sieveeyeho ni isadaka yu vuswage anoho yi iwaini yukuhaana mu Litembeli mba; avasaalisi vasioma kigira vavura zisadaka ziukuhaana ku Yahova.

Joeli 2:14

Nimutia Yahova Nyasaye winyu alagirung'anyia zing'anagani zizie na amugasizi nivitagwa vinyingi. Kunangwa mulava nu vuswage ni iwaini yukuhaana isadaka kuye.

Kyavalevi 14:10

Ku lidiku lia munane, kuduuka aleete vimeme via magondi mamigu viviri vugira imbara ne kememe kisuveni chu muhiga mulala vugira imbara, zikilo zivaga ziuvusie vuzuganyiywi mu maguta ga muzeituni, kandi kedonye kilala ku vivaga chi liita ndala ya maguta ga muzeituni.

Kyavalevi 24:7

Viika kimuli kilahi ku vuli luvaso keve kuli kihanwa chichukulia kihaaniywi ku Inzi Yahova mu vogono migadi.

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 6:7

Musaalisi alahaana ku Yahova kisiuviriru zana kigira uvwoni vwu mundu oyo kandi alasaamifwa.

Kyavalevi 9:17

Yahaana kandi kihanwa chu vuswage navugura luhi lulala lwu vusie, naavusambira ku uvwali komeeda ku kihanwa chukusambwa cha mugambazuri.

Kyavalevi 9:4

Na ulahaana igiriki ni ligondi limigu kuva kihanwa chi mirembe ku Yahova, harara ni kihanwa chu vuswage ni vuzuganyiywi mu na maguta. Kuduuka vakole ndio kigira Yahova alaloleka ku munyi kalunu.”

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Livalidza 18:9

Yivi vilava vindu vienyu ku vindu viveeye vitakatifu ligali; vihaanwa viavula kusambwa nu muliru, vuli kihanwa chavo chu vuswage, vuli kihanwa chavo chu vwoni, vuli kihanwa chavo cha mahiolo, vindu viosi viletwaa ku inzi kuli vihaanwa vitakatifu niviivio harara na vayaayi vovo.

Livalidza 28:5

vuli kilala harara ne kihanwa chu vusie vwu vuswage kiloguramu indala vuzuganyiywimu na maguta malahi muzeituni lita ndala.

Livalidza 29:18

Lwa muhaana vihaanwa vie zigiriki, mamigu kandi vimeme via mamigu, muhaane harara nivihaanwa viu vuswage, vihaanwa vie iwaini kolondekana ni livaliza lienyekanaa,

Livalidza 7:13

Yahaana isahani indala yi ifeza, yaali nu vulitu vwi kiloguramu 1.5, ibakuli indala yi ifeza ziguramu 800 kolondekana ni ligera lie lihema litakatifu, viombi vizura uvusie vwazuganywa maguta kuva kuli kihanwa chu vuswage.

Livalidza 7:19

Yahaana isahani ndala yi ifeza yuvulitu vwi kiloguramu 1.5 kandi ibakuli indala yi ifeza yu vulitu vwi ziguramu 800, kolondekana nilegera lie Lihema litakatifu. Viombi vizura uvusie vwazuganywa amaaguta kuva kuli kihanwa chu vuswage.

Livalidza 8:8

Maku gavadukiraa vavuguli kemoli ki igiriki harara ni kihanwa chu vusie vwu vuswage uvuzuganyiywi na maguta ga muzeituni. Na ivi uvuguli kemoli kindi kigiriki keve kihanwa chu vwoni.

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.

Likunula 8:3

Engelosi yindi yaali nigingi kituva chi izahabu chukusaambira ku kimuli yiza nisiingira imbiri wu vwali. Yahevwa kimuli kinyingi aduuki ku lisaala lia avandu va Nyasaye vosi, nu kuhaana ku vwali vwi izahabu imbiri wendeve yu vwami.