Kyavalevi 12:8 - KITABU KITAKATIFU

⁸ Niiva mukali oyo sianyala konyoora kememe chi ligondi chumuhiga mulala, alaleeta makuulu matugi gaviri anoho makuulu gu muvulimu gaviri; lilala kuva kihanwa chiche chukusambwa, na lindi kuva kihanwa chiche chuvwoni. Na musaalisi alamulombera chukutulizaho uvwoni vwivwe, naye alatakaswa.

Kyavalevi 12:8 Iomraidhean Croise

Kyavalevi 1:14

Niiva mundu alahaana ku Yahova kihanwa chu kusambwa chi linyonyi, kuduuka keve likuulu anoho kidudi.

Kyavalevi 12:7

Musaalisi zana alavihaana imbiri wa Yahova, nokolombera mukali oyo chukutulizaho uvwoni vwivwe, naye alatakaswa kutura ku litaaza masahi lilie. Yili ni lilaga ku oyo wivuuyi mwana muyaayi anoho mwana mukaana.

Kyavalevi 13:1

Yahova yahaana ku Musa na Haruni malago yaga:

Kyavalevi 14:21

Niiva mundu oyo aveeye mudaka na sianyala konyoora ivindu vienyeka, alaleeta kememe kimigu kilala kuva kuli kihanwa chiche chu uvwoni, kihanwa kidukiru ku Yahova, kigira musaalisi. Alaleeta kilo ndala yu vusie vuzuganyiywi mu maguta ga mizeituni kuva kihanwa chu vuswage kandi kedonye kilala ku vivaga chi lita ya maguta ga muzeituni.

Kyavalevi 14:22

Alaleeta kandi makuulu gaviri gu muvulimu, anoho makuulu gaviri matugi, lilala kigira kihanwa chu uvwoni ni lindi kigira kihanwa chu kusambwa.

Kyavalevi 15:14

Ku lidiku lia munane alavugula makuulu gaviri gu muvulimu anoho makuulu gaviri matugi na alazia nago ha vwingiliru vwi Lihema liu kuvuganira, imbiri wa Yahova, nokugahaana ku Musaalisi.

Kyavalevi 15:15

Musaalisi alahaana lilala kugo kuli kihanwa chu uvwoni ni lindi kuli kihanwa chukusambwa. Munzira yiyi musaalisi alamulombera muruka gwukwogiza uvwoni vwivwe.

Kyavalevi 15:29

Ku lidiku lia munane alavugula makuulu gaviri gumuvulimu anoho makuulu gaviri matuge na agahili ku musaalisi ha vwingiliru vwi Lihema liu kuvuganiramu na Yahova.

Kyavalevi 4:26

Maku, alasamba itinya yayo yoosi ku uvwali, kuli akolaa ku itinya yi kihanwa chi mirembe. Munzira yiyi, musaalisi alahaana kisiuviriru chu uvwoni vwu mwami naye alasaamifwa.

Kyavalevi 5:11

Niiva mundu sialanyaliza koleta makuulu gaviri matugi anoho makuulu gaviri gu muvulimu alaleeta ikilo ndala yuvusie kuli kihanwa chu uvwoni. Sialazuganyia na maguta ga muzeituni anoho kimuli mba, kigira keveeye kihanwa chu uvwoni. Sikeveeye kihanwa chu vuswage mba.

Kyavalevi 5:7

Niiva mundu sialanyala konyoora kememe chi ligondi anoho imburi, alaleeta ku Yahova kuli mutungu gwu vwoni vwivwe, makuulu gaviri matugi anoho makuulu gaviri gumuvulimu. Lilala lilava kisiuviriru chu uvwoni nilindi lilava kisiuviriru chu kusambwa.

Matayo 21:12

Yeso yingira mu Litembeli lia Nyasaye, nakunga avandu vosi avaari nivagulizaa nukugula ivindu. Yaatung'aminya izimesa zia vakiranyi va mabese, ni zindeve zia yavo avagulizaa vidudi.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.