Kyavalevi 10:3 - KITABU KITAKATIFU

³ Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 10:3 Iomraidhean Croise

Litanga 18:25

Nagiligali ivi siulita avandu vataveeye nimbara harara navandu vamahiolo mba. Yago ganyalika mba! Ivi siunyala kokora ndio mba. Niiva wakakoli ndio, umundu utaveeye nimbara alahevwa mageri harara nu mundu wamahiolo. Yago ganyalika mba. Mukalagi wi kivala choosi kuduuka ahaane likalaga liveeye lirungi.”

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Zaburi 119:120

Mbeeye nuvuti vonene kigira ivi; nzizuuyi uvuti kigira likalaga liilio.

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 39:10

Utahaana amageri ku inzi kandi mba, kigira mbeeye ahimbi kukuza kuturana na amageri ga ombezaa.

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 89:7

Ivi oveeye Nyasaye utiivwa mu livugana lia vatakatifu, vosi vasingilaa mu liegehiza imbiri woovo.

Zaburi 93:5

O, Yahova, malago googo gahindiraa mihiga ni mihiga, kandi Litembeli liilio liveeye litakatifu ligali mihiga ni mihiga.

Kutwula 14:17

Ndakora vandu va Egebeti vadinye mioyo jaavo navo vingiri munyanza kuvalondelera inyima wavo, kandi ndanyoora uluyali ku vuguuti vwange ku Mwami, liihi lilie, magare geege gu vulwani, kandi avahili vi zibarasi veve.

Kutwula 14:4

Ndadinyia mwoyo gwigwe naye alamulonderera; Lwa akola ndio, kandi liguuta liange ku Mwami harara ni liihi lilie lilakahaane ku inzi luyali. Maku avandu va Egebeti valakamanye inzi mbeeye Yahova.” Avandu va Isiraeli vaakora kuli Musa yavavolera.

Kutwula 19:22

Kali avasaalisi avaazaa ahimbi ku inzi kuduuka vitakase, gase ndavaha amageri.”

Kutwula 19:24

Yahova yativura, “Yika hasi uvuguli Haruni, wirane naye. Navuzwa avasaalisi na avandu vatavita ulwako kuuza ku inzi mba, gase ndavaha mageri.”

Kutwula 30:30

Maku uvake Haruni harara na vayaayi veve amaguta, kandi uvatakase vaduuki kundumikira kuli avasaalisi.

Isaya 39:8

Mwami Hezekia yavolera Muporofeti Isaya ndi, “Likuva lia Yahova amali kovora liveeye lilahi!” Kunangwa, mwami Hezekia yamanya ndi, mirembe kandi likingwa vilavaho ing'inga ya akikiri mwoyo.

Isaya 49:3

Yambolera, “Isiraeli Ivi oveeye mutumikiri wange, avandu valanzizominya kigira munyi.”

Isaya 52:11

Muzie! Muzie! Muturi hano; mutadiira kindu kitali kinifu! Muzie mutule hagati ha vandu va Babiloni! Mwitakase munyi avagingaa viju via Yahova.

Ezekieli 20:41

Inyima wa nambe ni ndakamuleeta kutura muvivala uwandaali nimali kumusalanyira, nu kumuviika harara, ndakavugiliri visiuviliru vienyu via musambaa, kandi ndakamanyie uvutakatifu vwange imbiri winyu hagati hi zihiiri.

Ezekieli 28:22

Ovoolere avandu mu lidaala yilio ndi, Inzi Yahova Wuvunyali mboraa yaga kuvo: Mbeeye musigu winyu, avandu va Sidoni; avandu vandi valanzizominya kigira agaamali kokora ku munyi. Valamanya ndi Inzi mbeeye Yahova, lwa manyia kuli mbeeye mutakatifu mu lihaana mageri ku yavo avamenyaa hagati hinyu.

Ezekieli 38:16

Ivi nuwingiliri avandu vange va Isiraeli kuli ikiihi kikuguta ku kivala. Lwi ing'inga iliduuka, ndakakutumi kwingilira kivala change, kunangwa umanyie zihiiri ndi, inzi mbeeye vwaha, nukumanyia vutakatifu vwange agandaza ngole kuvitira mu ivi.

Ezekieli 40:46

ne keng'oze keveeye kolovega lwi Ivaale ni cha vasaalisi avatumikaa ku vwali. Avasaalisi yava vaali ivisukulurwi via Zadoku, avaari vi ihiiri ya Levi avavugililwa kuzia imbiri wa Yahova kumutumikira.

Ezekieli 42:13

Umundu uyu yambolera, “Zinyumba yizi ziosi ziveeye zindakatifu. Muzio, avasaalisi vazizaa imbiri wa Yahova valiza vihaanwa vitakatifu ligali. Kigira ving'oze viveeye vitakatifu, avasaalisi valaviika yo vihaanwa vitakatifu ligali: Kihanwa chu vuswage, kihanwa chivisiuviliru kigira uvwoni, kandi kihanwa cha mahiolo kigira havundu yaho nahatakatifu.

Kyavalevi 21:15

Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”

Kyavalevi 21:17

avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba.

Kyavalevi 21:21

Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba,

Kyavalevi 21:6

Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 22:9

“Avasaalisi vosi valalinda malago goosi ga mali kuhaana. Nigataveeye ndio valagwa avahioli, ma vakuzi kigira vavuli kutia malago matakatifu. Inzi mbeeye Yahova kandi mbakola kuva avatakatifu.

Kyavalevi 8:35

Kuduuka mumenye ha vwingiliru vwi Lihema liukuvuganira mu na Yahova mbasu nu vudiku ku madiku saba, na mukore ga Yahova amali kulaga. Ni mutakola ndio, mulakuza. Yaga nigo ga Yahova amali kundaga.”

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 20:12

Navuzwa Yahova yagondokera Musa na Haruni, navoora, “Kigira muvuli kuva ne lisuuvira kuvugilira zinguru ziange zindakatifu imbiri wa vandu va Isiraeli, simulavimilira kuzia mu kivala cha ndavalaga mba.”

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Yohana 12:28

Baba, ukuminyi lieta liilio!” Maku mwoyo gwamoloma kutura mwigulu, “Mali kulikuminya kandi ndaalikuminya.”

Yohana 14:13

Na ku choosi cha muteeva ku lieta liange, yiki ndakora, Baba aduuki kukuminyirwa mu Mwana.

Kwidzulitsa 32:51

Kigira vombi simwali avasuuvirifu ku inzi imbiri wa avandu va Isiraeli. Lwa mwaali ha Kidaho cha mazi ga Meriba ha Kadeshi, mu changalangwe cha Zini, munyi simwahaana ku inzi luyali imbiri wa avandu mba.

2 Vatesalonike 1:10

Lwa aliiza ku Lidiku yilio konyoora uvukumi kutura ku vatakatifu veve, harara nu luyali kutura ku yavo vosi avasuuviraa, munyi kandi mulakave harara naye kigira mwamala kusuuvira amakuva ga kwamuvolera.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.

1 Samweli 3:18

Kunangwa Samweli yamuvolera vindu viosi. Siyavisa ku kindu kali kilala mba. Eli yavoola, “Aveeye Yahova; kandi alakola choosi ekelolekaa kuva kilahi kuye.”

1 Samweli 6:20

Kunangwa avasaza va Bezi-shemeshi vavoola, “Ni vwaha unyala kusingira imbiri wa Yahova, Nyasaye Mutakatifu uyu? Kunyala kumuhila hayi atuli ku kunyi?”