Kyavalevi 10:2 - KITABU KITAKATIFU

² Kunangwa muliru gwatura imbiri wa Yahova niguvasaamba, ma nivakuzira imbiri wa Yahova.

Kyavalevi 10:2 Iomraidhean Croise

2 Samweli 6:7

Nonoho, Yahova Nyasaye yasinyikira Uza kandi namwiita kigira yaadira Lisandugu lie Lilagana. Uza yakuzira himbi ni Lisandugu Lilagana.

1 Avami 13:28

kandi yanina nazia, nanyoora muporofeti zana ulambiyi kunzira, ibunda ni isimba nivikisingiyi halovega himbi naye. Isimba siyaali anoho kwingilira kutulira ibunda mba.

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

2 Avami 1:10

Elija yativulira munene oyo navoora, “Niiva inzi mbeeye mundu wa Nyasaye, leka muliru gwiki kutura mwigulu na gukwiiti harara na vasaza vovo va oveeye navo!” Nonoho muliru gwika nigwiita munene oyo na vasaza veve.

2 Avami 1:12

Navuzwa Elija yativura, “Niiva mbeeye mundu wa Nyasaye, leka muliru gwiiki kutura mwigulu na gukwiiti, ivi harara na avasaza vovo va oveeye navo!” Nonoho muliru gwiika haasi ma nigwiita munene zana na vasaza veve.

1 Kyetsinyinga 13:10

Nonoho, Yahova yavihilirizwa Uza kandi namwiita kigira yadira ku Lisandugu. Yakuzira ahene yaho imbiri wa Nyasaye,

1 Kyetsinyinga 15:13

Kigira munyi vandu va Levi si mwali ho kulileeta ku ing'inga yu kutanga, Yahova Nyasaye witu yakuha amageri kulwukuvula kumusigamira kuli gakuduukiraa.”

1 Kyetsinyinga 24:2

Navuzwa Nadabu na Abihu vakuza baba wavo nakikiri kukuza, vakuza ni vakikiri kwivura avana. Kunangwa Elieza na Izamara avamwavo vaavo vaagwa avasaalisi.

Ayubu 1:16

Lwa yaali nakikiri kumala limoloma, mutumikiri wundi yaza navoora, “Nyasaye yatuma inguba kutura mwigulu ukwita magondi na avayi. Inzi nzieng'ine niyie ohoni nzize kukoletera makuva!”

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Kutwula 24:1

Yahova yavolera Musa, “Hamba ku inzi ku kiguru, ivi harara na Haruni, Nadabu, Abihu na aviimiliri 70 va vandu va Isiraeli; nimuveeye himbi kuduuka mwiname hasi musigamira.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Kyavalevi 10:5

Kunangwa visunda himbi, nivaringira miviri mikuzu mu zinguvu ziavo, nukujihila ichova wa hokososa kuli Musa yaali naavalagi.

Kyavalevi 16:1

Yahova yamolova na Musa inyima wi likuza lia vayaayi vaviri va Haruni, aviitwa lwahaana muliru gutaali mutakatifu ku Yahova.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Livalidza 14:37

Avandu yava, avaleeta makuva madamanu kigira kivala yiki, Yahova yaviita vosi nu vulwaye uvudamanu ligali.

Livalidza 16:35

Maku Yahova yatuma muliru ma nigusamba vandu 250 avaari nivahaani kimuli ku vwali.

Livalidza 16:49

Avandu vaakuza vaali 14,700, ni kutameedi ku vandu vaakuza kigira liebaala lia Kora.

Livalidza 26:61

Nadabu na Abihu vaakuza lwavahaana umuliru gutaveeye mutakase ku Yahova.

Vikolwa 5:10

Nonoho, Safira yagwa hasi imbiri wi virenge via Petero, nakuza. Lwa avasoleri vingira, vamunyoola namali kukuza; ni va mugingaa ni va muhiraa ichova, ni va muyavira ahimbi nu musaza weve.

Vikolwa 5:5

Lwa Anania yahulira makuva yago, yagwa hasi nakuza. Avandu vosi avahulira makuva yaga vaali nuvuti vonene ligali.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

1 Samweli 6:19

Yahova yita avasaza sabwini ku vandu va Bezi-shemeshi, kigira vahenza mu Lisandugu lie Lilagana lia Yahova. Kandi avandu vasioma kigira Yahova yaali naleti likuza linene hagati haavo.