Kyavalevi 10:1 - KITABU KITAKATIFU

¹ Avayaayi va Haruni, Nadabu na Abihu, sa mulala yavugula, kituva chiche, naviika mu amanda gumuliru, nameeda ku kimuli, ma nivahaana muliru gutaveeye mutakatifu imbiri wa Yahova, kigira Yahova siyaali naavalagi vaguhaane mba.

Kyavalevi 10:1 Iomraidhean Croise

1 Avami 18:38

Yahova yaleeta muliru ni gusambaa kisiuviriru, zingu, magina, gwuminya malova kandi gukaminyaa mazi mu mumitalo.

Zaburi 141:2

Vugilira lisaala liange kuli kimuli kifunyaa mwayu imbiri woovo, kandi umbugiliri lwang'ingaa amakono gange ku ivi kuli kisiuviriru cha ha mugolova.

Kutwula 24:1

Yahova yavolera Musa, “Hamba ku inzi ku kiguru, ivi harara na Haruni, Nadabu, Abihu na aviimiliri 70 va vandu va Isiraeli; nimuveeye himbi kuduuka mwiname hasi musigamira.

Kutwula 24:9

Musa, Haruni, Nadabu, Abihu, na vimiliri sabwini va vandu va Isiraeli vaanigira ku kiguru

Kutwula 27:3

Olombe kandi viju viukungula ligoke lie zitinya kandi, olombe mijiko, zibakuli, vigumiliru kandi nuluju lwu muliru. Viju yivi viosi ulavilomba kutura ku mugasa.

Kutwula 28:1

“Ulage amwavo woovo Haruni harara na avana veve, Nadabu, Abihu, Elieza na Izamara. Uvavukanyie kutura ku avandu va Isiraeli kunangwa vaduuki kundumikira kuli avasaalisi.

Kutwula 31:11

amaguta gukuvaka, nikimuli kifunyaa mwayu cha Havundu Hatakatifu. Mulikola vindu yivi viosi, vaduukana vakole kuli ndaakulaga.”

Kutwula 37:29

Kandi yalomba maguta matakatifu gukuvaka kandi Kimuli kifunyaa mwayu mulahi ligali, ichazuganywa kuli maguta gu muhomo.

Kutwula 38:3

Yalomba kandi viju viu vwali, vifuria, mijiko, zibakuli, vigumiliru, ni zinju ziu muliru zinyingu ni viukung'ura ligoke, nivituva, niizingaga, ni zinju ziu muliru. Viju viosi yavilomba kutura ku mugasa.

Kutwula 40:27

kandi nasamba kimuli kifunyaa mwayu mulahi kuvwo, kuli Yahova yaali naamulagi.

Kutwula 6:23

Haruni yaleeta Elisheba, mukaana wa Aminadabu, mbozo wa Nahashoni kuva mukali weve. Yamwivulira Nadabu, Abihu, Elieza, na Izamara.

Kutwula 8:27

Gakuduukiraa kuzia ologendo lwa madiku gavaga mwigendanyama kuhaana visiuviliru ku Yahova Nyasaye wiitu, kuli yakulaga.”

Jeremia 19:5

kandi vamali kwumbakira Baali uvwali kunangwa vaduuki kusamba avana vaavo numuliru kuli visiuviliru. Inzi sindaavalaga kokora ndio mba; kali sigaaliku mu zing'anagani ziange mba.

Jeremia 32:35

Vamali kwumbakira Baali uvwali mu livona lia Hinomu, vaduuki kuhaanira umunyasaye Moleki avayaayi vaavo kandi avakaana vaavo vave kuli visiuviliru. Inzi si ndaavalaga vakole yaga mba, kandi si gaali ku kali muziganagani ziange vakole vindu kuli yivi nokolomba avandu vi Ivuyuda kokora uvwoni mba.”

Jeremia 44:15

Maku avasaza vosi ava vakali vaavo vaahana visiuviliru ku avanyasaye vandi, kandi avakali vosi avaari nivasingiyi ahimbi, harara na avandu va Isiraeli avaamenyaa ha Pasirosi mukivala cha Egebeti, vosi kiduma kenene ligali vambolera,

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 7:31

Vamali kwumbaka uvwali vulaangwa ‘Tofezi’ mu livona liu mwana wa Hinomu, kunangwa vaduuki kuhaana avayaayi vaavo na avakaana vaavo vasambwe mu muliru kuli visiuviliru. Inzi si ndaavalaga vakore yaga mba, anoho si gaali mu zing'anagani ziange mba.

Kyavalevi 16:1

Yahova yamolova na Musa inyima wi likuza lia vayaayi vaviri va Haruni, aviitwa lwahaana muliru gutaali mutakatifu ku Yahova.

Kyavalevi 16:12

alavugula kiju chi izahabu nikizuyi amanda gu muliru kutura ku uvwali na makono gaviri nigiizuyi kimuli kilahi ligali nukuvileta havundu hatakatifu ligali.

Kyavalevi 22:9

“Avasaalisi vosi valalinda malago goosi ga mali kuhaana. Nigataveeye ndio valagwa avahioli, ma vakuzi kigira vavuli kutia malago matakatifu. Inzi mbeeye Yahova kandi mbakola kuva avatakatifu.

Kyavalevi 9:24

Nonoho Yahova yatuma muliru kandi gwasamba kihanwa chukusambwa, ni zitinya ziali ku uvwali. Lwa vandu vosi vagolola, vahanzuka lwanga nivagwa hasi mamumama.

Livalidza 16:46

Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.”

Livalidza 26:61

Nadabu na Abihu vaakuza lwavahaana umuliru gutaveeye mutakase ku Yahova.

Livalidza 4:18

“Mutaleka ihiiri ya vandu va Kohazi vadivizwi kutura ku vandu va Levi mba.

Kwidzulitsa 12:32

“Mukore goosi aga mali kumulaga; mutameeda kindu choosi kugo anoho kutuliza ku kindu choosi mba.

Kwidzulitsa 17:3

ku lisigamira nukutumikira avanyasaye vandi, anoho liuva anoho mweli anoho zing'ereng'ani vindu via Nyasaye yasura,

Kwidzulitsa 4:2

Mutameeda kindu choosi ku makuva ga inzi mulagaa kandi mutatulizi ku kindu choosi mba. Mugumiri malago ga Yahova Nyasaye winyu, aga inzi mali kumuha.

Vahebraina 9:4

Mu Lihema yimwo mwaali mu nuvwaali vwi zahabu vwu kusambira ku kimuli kandi mwaali mu ni Lisandugu lie Lilagana liakunikwa ni zahabu. Lisandugu yilio liali mu nijuba yizahabu nayo yaali mu nimaana, kandi ni imbimbu ya Haruni yasivuka amatu, ni Vibaho viamagina viviri via malago gang'odwa ku.