Kyavalevi 1:13 - KITABU KITAKATIFU

¹³ Mwene kihanwa alogiza vindu viu munda viosi ni virenge vie inyima. Musaalisi alavihaana viosi nukuvisamba ku uvwali. Keveeye kihanwa chukusambwa, kihanwa chu muliru, ichukufunyira Yahova mwayu mulahi gwu kuyaanziza.

Kyavalevi 1:13 Iomraidhean Croise

Litanga 8:21

Umwayu gwi kisiuviriru gwayaanziza Yahova, na yavoola, “Inzi si ndalaama lirova kigira likora liu umundu mba. Inzi manya ndi umundu aveeye ni zing'anagani zindamanu kutura ing'inga ya yaali mwana. Inzi si ndadiviza vindu viosi viveeye ni livamwoyo kuli mali kokora mba.

2 Kyetsinyinga 4:6

Valomba kandi zibenzeni 10, 5 ziavikwa ku lovega lwa Ivaale wi Litembeli na 5 ku lovega lwi Isavaalu. Ziatumikirwa kwogizilaku vidonye vie zinyama iviasambangwa kuli visiuviliru. Amazi gu mulidangi gatumikirwa na vasaalisi ukwisaava.

Ezekieli 40:38

Mu mugizi gwu mugati, keng'oze chaali mu ichahambanywa ni kirivwa chu mugati kolovega lwi Ivaale. Keng'oze yiki chazizaa mu keng'oze chu muvwingiliru ichaali kolovega lwu mugizi. Hene yaho vogizilaho vihaanwa via vasamba kuli visiuviliru.

Kyavalevi 1:9

Kuduuka mwene kihanwa chu kusambwa yogize viumunda vyayo ni virenge vie inyima viayo na mazi. Musaalisi uva niyimiliyi muruka yigwo, alasaamba kisiuviriru choosi ku uvwali. Lifunya mwayu gwi kihanwa chu kusambwa choosi, keveeye chu kuyaanziza Yahova.

Kyavalevi 2:11

Vuli kihanwa chu vuswage kihanwa ku Yahova, gaduukanaa kelombwe vugira mamera anaho vwuki.

Kyavalevi 2:2

ma ahiliri avayaayi va Haruni avasaalisi. Musaalisi uva natumikaa lwene yilwo, alavugula uluhi lulala lwu vusie namaguta harara ni kimuli choosi. Musaalisi alavisaamba ku uvwali kuli kihanwa chu kwizuliza ndi choosi kimali kuhaanwa ku Yahova, ligunya mwayu gwi kihanwa chi chukulia yiki liveeye liukuyanziza ku Yahova.

Kyavalevi 3:5

Avasaalisi valasaamba yivi viosi ku uvwali harara ni Vihaanwa viu kusambwa. Lifunya mwayu gwi kihanwa chi chukulia yiki liveeye liu kuyanziza ku Yahova.

Kyavalevi 4:31

Alatuliza itinya yayo yoosi, kuli itinya yi vihaanwa vie mirembe. Alagisambira ku uvwali kunangwa lifunya mwayu gwayo guduuki kuyaanziza Yahova. Nandio, Musaalisi alahaana kisiuviriru kigira uvwoni vwu mundu uyu, kandi alasaamifwa.

Kyavalevi 6:14

Yaga nigo malago gukuhaana vihaanwa viu vuswage: Musaalisi kutura munyumba ya Haruni alahaana kihanwa chu vuswage ku Yahova imbiri wu uvwali.

Kyavalevi 8:21

Vindu viumunda, nivirenge ni yogiza namazi. Yasamba ligondi yilio liosi ku uvwali kuli Yahova yaali nalagi. Kihanwa chukusambwa yiki chaali chi chukulia kandi lifunya mwayu gwacho gwayaanzizaa Yahova.

Livalidza 15:3

Vahane ku Yahova igiriki, ligondi limigu, ligondi noho imburi vinyala kuhaanwa kuli vihaanwa viu kusambwa, noho vihaanwa viu kuduukiza liesuuha anoho kihanwa chu vuyanzi anoho kihanwa chi lisavo lia kazozo. Lifunya liu mwayu mulahi gwi vihaanwa yivi lilayaanziza yahova.

Livalidza 15:4

Maku mundu woosi uhaana kihanwa chi ligondi noho imburi ku Yahova, alahaana harara nu uvusie vwu vuswage kiloguramu ndala uvuzuganyiywi mu na maguta lita ndala:

Livalidza 28:11

Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Livalidza 28:8

Vahane kihanwa cha kaviri hamugorova kuli ukoli kihanwa cha mugambazuri harara ni kihanwa chiwaini. Yiki kandi ni kihanwa chi viukulia, kiveeye nu mwayu mulahi gwu kuyaanziza Yahova.

Kwidzulitsa 12:27

Muhaane visiuviliru vienyu viu kusambwa viduukana kusaambirwa ku uvwali vwa Yahova. Amasahi gi visiuviliru vienyu kuduuka guufwi ku vwali vwa Yahova Nyasaye winyu; navuzwa munyala kulia inyama.